15 июл 2016 09:59Тоҷикистон / Иҷтимоӣ

Раиси Кумитаи телевизион: Ягон бор нагуфтаам, ки фалон проблемаро нишон надиҳед...

Маҳмадсаид Шоҳиён, раиси Кумитаи телевизион ва радиои Тоҷикистон, гуфт, ягон бор дастур надодааст, ки фалону мавзӯю мушкилӣ тариқи телевизион пахш нашавад.

Шоҳиён имрӯз, 15-уми июл зимни нишасти хабарӣ дар Душанбе гуфт, вақте журналистҳои ҷавон аз минбарҳо масъаларо баррасию пешниҳод мекунанд, худро хушбахттарин раис медонад.

Ӯ афзуд, баъзан матбуот радиою телевизионҳои давлатиро интиқод мекунанд, ки бархе аз мушкилоти ҷомеа ва мавзуъҳои мубрамро пешниҳод намекунанд. Аммо ба гуфтаи Шоҳиён зимни инъикоси проблемаҳо дар матбуоту бархе расонаҳо дида мешавад, ки дақиқияту мушаххасот нест ва маълум нест, ки масъулиятро кӣ ба дӯш мегирад.

Ин дар ҳолест, ки ахиран Иброҳим Усмонов, собиқ мушовири раисиҷумҳури Тоҷикистон дар посух ба суол дар бораи инъикос наёфтани бархе аз мушкилоти ҷомеа дар радиою телевизионҳои давлатӣ гуфт, ки ин вазъият бар муқобили худи ҳукумат аст: “Тамошобини боақли телевизионҳо торафт кам мешавад. Яъне, тарафдорони боҳуши ҳукумат кам мешаванд. Барномаҳоро мебинанд, мешунаванд, мехонанд ва бо зиндагиашон қиёс мекардагӣ мешаванд. Ба расонаҳои ҳукуматӣ дигар эътимод намекунанд. Ин маънои онро хоҳад дошт, ки ҳарфи ҳукумат дар ҷомеа дигар муассир намешавад. Ин бар зарари кор аст. Аз чӣ бошад, ки барои идеологҳои ҳукуматӣ ҳамин раванд писанд аст. Ёдам ҳаст дар солҳои 1993-94 касе тавассути телевизионҳо роҳбарияти давлатро ситоиш кардан намехост. Мо бо азобе мардумро розӣ мекардем, то ҳадди ақал паси парда сухан кунанд. Ҳоло бошад баръакс. Ҳама мехоҳад, ки дар барномаҳои телевизионӣ ширкат дошта бошад. Хабарнигорони расонаҳои ҳукуматии мо имрӯз шароити хуб доранд. Ҳатто сару садое ҳаст, ки онҳо баъди пахши наворе аз гӯшаи деҳқонҳо талаби маблағ, сабзавот ва ё меваҷотро ҳам мекунанд, ки ин мавзӯи дигар аст”.

Мӯҳр

Хабарҳои монанд:

Шахрванд аз Душанбе

Хабарнигорони расонаҳои ҳукуматии мо имрӯз шароити хуб доранд...Устод эхтиромро наздатон коилем Лек ки гуфт, ки хабарнигорони расонахои хукумати шароити хуб доранд?

Ҷавоб диҳед Иқтибос Шикоят

журналист

Устоди азиз аз кадом як шароити худ доред харф мезанед?? 15 соли умрамро дар хамин сохаи пурифтихор гузора кардаам. Холо хам бо 3 фарзанд дар манзили падариам ба сар мебарам. Танхо мехри беандоза ба ин касб ва хадафи хидмати шоиста ба Миллати Бузурга азизам манро дар ин чода нигох медорад. Хубии шароит хаминаст ки 800-900 сомони маош дорем !!!!

Ҷавоб диҳед Иқтибос Шикоят

тамошобин

хамаи хабархоро мо аз шабакахои хоричи ба даст меорем. Телевизиони точик ягон проблкмаи чомеаи точикро умуман намегуяд ва факат ба тарифу тавсияи мансабдорон машгул мебошад. 80 % мардум тв точикро тамошо намекунанд.

Ҷавоб диҳед Иқтибос Шикоят

Эзоҳ илова кунед