Иқдоми дуюми Тошканд алайҳи “Роғун” баъди номаи эътирозии сарвазири Узбакистон
Профессори узбак Марат Зоҳидов фардо 21-уми июл дар як конфронси байналмилалӣ дар шаҳри Сочӣ алайҳи сохтмони нерӯгоҳи “Роғун” баромад хоҳад кард.
Дар ин бора “Uzmetronom” хабар дода, афзудааст, ки дар конфронси байналмилалии шаҳри Сочӣ фоҷеаҳои табиӣ ва техногенӣ мавриди баррасӣ қарор мегиранд: “Дар назар аст, ки Зоҳидов бо як гузориши густурда алайҳи сохтмони нерӯгоҳи “Роғун” баромад кунад”.
Эътирозҳои нави Тошканд баъди имзои созишнома барои бунёди “Роғун”, миёни Тоҷикистон ва “Салини Импреҷило” авҷ гирифтанд.
Ахиран Шавкат Мирзоев, нахуствазири Узбакистон дар як номаи расмӣ унвонии ҳамтои тоҷикаш аз қарордод барои бунёди неругоҳи Роғун бо ширкати “Салини Импреҷило”-и Италия нигаронӣ карда, хостааст Тоҷикистон аз ин тарҳ даст кашад.
Узбакистон аз мухолифони сарсахти бунёди нерӯгоҳи "Роғун" дониста мешавад. Дар гузашта низ мақомҳои ин кишвар борҳо зидди сохтмони ин нерӯгоҳ садо баланд кардаанд. Ҷониби Тоҷикистон иддаои Тошкандро дар бораи зарари ин неругоҳ ба кишварҳои Осиёи Марказӣ беасос хонда, мегӯяд, баръакс бо бунёди он мушкили дастрасӣ ба барқ дар минтақа ҳал мешавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |