21 июл 2016 12:04Тоҷикистон / Иҷтимоӣ / Тема дня

Баъди танқиди ВКД: “Тоҷикматлубот” дастгоҳи назоратиро аз утоқи раис пеши посбонҳо бурд

Дар пайи танқиди Вазорати умури дохилии Тоҷикистон, ки дар бархе аз корхонаҳои кишвар, камераҳои назоратиро, ба ҷои муҳофизон раисон назорат мекунанд, раёсати “Тоҷикматлубот” дастгоҳҳои назоратиро пеши посбонҳо бурдааст.

Хуршед Сангаков, муовини сардори иттифоқи “Тоҷикматлубот” имрӯз, 21-уми июл дар посух ба суоли “Озодагон” гуфт, феълан дар назди ягон роҳбари ин ниҳод дастгоҳҳои назоратӣ нестанд: “Дар қароргоҳи ягон раис камера нест. Агар дошта бошанд ҳам дар қабулгоҳи худашон аст. Дигар ҷо нест”.

Сангаков аз як тараф доштани дастгоҳҳои назоратиро дар утоқи раисҳо муҳим хонд: “Ҳар як раис бояд коргарҳояшро донад. Камтар дар коридорҳо гарданд. Бисёртар фаъолият кунанд, кор кунанд. Ин барои амният ҳам лозим аст”.

Ноиби раиси “Тоҷикматлубот” такроран таъкид намуд, ки тамоми дурбинҳои ин корхона таҷдид шуданд ва дастгоҳҳои назоратӣ низ дар назди посбонҳо мебошанд.

Қаблан хадамоти давлатии “Муҳофиза”-и Вазорати умури дохилии Тоҷикистон, ки масъулияти иҷрои амри раисиҷумҳур дар мавриди насби дурбинҳои назоратиро дар корхонаю вазоратҳои кишвар ба уҳда дорад, изҳор дошт, ки ҳадафи насби камераҳо таъмини тартиботи ҷамъиятӣ ва мубориза бо ҷинояткорӣ мебошад: “Тибқи дастурамал мониторҳое, ки камераҳои назоратӣ бо онҳо пайваст шудаанд, бояд дар назди муҳофизони корхонаю ташкилотҳо бошанд, то дар сурати зарурӣ фавран аз содиршавии ҷиноят ҷилавгирӣ кунанд. Аммо дар бархе аз ниҳодҳо мониторҳо дар утоқи кории раисон насб шудаанд”.

Манбаъ аз ҷумла иттифоқи “Тоҷикматлубот”-ро ном бурда буд, ки камераҳои насбкардаи ин ниҳод пастсифат буда, монитори назоратӣ низ дар утоқи кории роҳбарияти он ҷой дода шуда буд. Ба иттилои манбаъ камбудиҳо дар ин самт дар дигар корхонаю ниҳодҳои давлатии Тоҷикистон низ ошкор шудаанд.

Мӯҳр

Хабарҳои монанд:

донишчу

Чаро ин точикматлуботро бархам намедиханд? Аз хисоби донишчуёну талабагон то ба кай ин муфтхурон бояд кайфу сафо созанд? Холо муаллимони 4 муассисаи таълими хатто маоши мохи май ва июнро нагирифтаанд, чун маблаги он таълимгоххоро точикматлубот мачбури гирифтаанду барнамегардонанд. Гардиши молии точикматлубот баробари як магазин нест.

Ҷавоб диҳед Иқтибос Шикоят

Корманд

Дар хакикат камерахо бояд дар назди посбонхои милиса бошанд на дар утоки раис. Дар дафтари раиси кумитаи сармоягузори ду экрани калон аст, ки навори 12 камераро чой додаст. Хатто чанд бор туалет рафти раиси кумита мебинад. Ин хели бад хам не даааа

Ҷавоб диҳед Иқтибос Шикоят

Барзу

Донишчу, шумо чи навиштаед? Точикматлубот ин як ташкилоти чамъияти аст. Ба пули маълимони шумо чи кор дорад))) Вай худаш хамчун муассис метавонад муассисахои таълими ташкил дода, онхоро пурра ё кисман маблаггузори кунад. Баъд, дар масъалаи камерахо. Раисон барои он камерахои назоратиро дар кабинети худ мегузоранд, то донанд ки ба кабули онхо омада истодааст. Одами "вазнин" бошад, ба котиба мегуяд. ки дарояд, маъкул набошад, раис "бандай", "нестай", "майлс дора". Ин "найранги технологии" раисони точики аст... донишчу,

Ҷавоб диҳед Иқтибос Шикоят

Эзоҳ илова кунед