Раёсати “Қарияи боло”: Ягон духтури мо барои кӯдакрабоӣ ҳабс нашудааст
Холназар Ғиёсов, муовини раҳбари беморхонаи “Қарияи боло” дар шарҳи хабарҳои нашршуда гуфт, “насаби ман Ғиёсов аст, аммо ман боздошт нашудаам ва ягон кӯдакро надуздидаам. Шукри Худо соҳиби 6 фарзандам ва ба кӯдаки дигарон ниёз надорам. Айни ҳол 400 кӯдак зери назорати ман таҳти табобат қарор доранд ва ман нияти дуздидани онҳоро надорам”.
Ғиёсов афзуд, ки бо чунин насаб дар беморхонаи “Қарияи боло” як фарроши солхӯрдае кор мекунад ва ӯ низ ҳабс нагардидааст: “Ӯ солхӯрда аст ва ҳеч имкон надорад, ки дар кӯдакдуздӣ даст дошта бошад. Дигар ягон Ғиёсов дар беморхона кор намекунад”.
Ин дар ҳолест, ки нашрияи "ИмрӯзNews" бо такя ба манобеаш дар Вазорати умури дохилӣ аз боздошти як гуруҳи сенафарӣ бо иттиҳоми кӯдакрабоӣ хабар додааст.
Ба иттилои манбаъ, эҳтимол Сабинаву Малика Араловаҳо ва Осия Диловарова ҳам аз сӯи ин гуруҳ дуздида шудаанд. Сабина ва Малика 25 марти соли 2013 нопадид шуда, ҳанӯз ёфт нашудаанд. Осияи панҷсола 8 августи соли 2014 бедарак шуд ва ҷасади ӯро баъдтар аз ноҳияи Ҳисор пайдо карданд.
"Як манбаъ аз Вазорати корҳои дохилии Тоҷикистон бо тасдиқи боздошти аъзои ин гуруҳ – кӯдакрабоянда (Матлуба Ахмедова), духтур (Ғиёсов-корманди беморхонаи Қарияи боло) ва таксист (шахсияташ зикр нашуд) ба “ИмрӯзNews” гуфт, айни замон тафтиши ин ҳодисаҳо идома дошта, фарзияҳои тафтиш то ба қазияи Осия ва Араловаҳо тӯл мекашад",-меафзояд рӯзнома. Аммо манобеи "Озодагон" мегӯянд, Ғиёсов, ки боздошт шудааст, корманди маркази тиббии шаҳрии маҳаллаи якум Советский мебошад.
Боздошти ин се нафар замоне иттифоқ афтодааст, ки талоши рабудани як духтарчаи 7-соларо доштаанд: "Ин ҳодиса рӯзи чоршанбе, 20 июли соли равон, дар атрофи Маркази савдои “Садбарг”, дақиқан дар ҳамон мавзеъе рӯй додааст, ки Араловаҳо ва баъдтар Осия гум шуданд. Ф.Б-и 7-сола ҳамсояи Осияву Араловаҳо ва мисли онҳо яккафарзанд будааст. Кӯдаки дуздидашуда баъди ҳамагӣ 20 дақиқа озод карда шуда, ба модараш баргардонида шудааст".
Манбаъ мегӯяд, ҳангоми кофтуков аз манзили ба иҷорагирифтаи ин гуруҳ дар маҳаллаи Зарафшони шаҳри Душанбе асбобу олоти ҷарроҳикунӣ, сӯзандорову ҳабҳои мадҳушкунанда (Феназепам, Диазепам) ва ҳатто либосҳои кӯдакона пайдо шудаанд: "Аз дохили мошине ҳам, ки Ф.Б.-и ноболиғ бо он бурда мешуд, сӯзандорӯи омодашуда пайдо гардидааст, ки бо моеъи мадҳушкунанда омехта шудааст".
Алайҳи боздоштшудаҳо бар пояи моддаи 130 (Одамрабоӣ)-и Кодекси ҷиноятии Ҷумҳурии Тоҷикистон парвандаи ҷиноятӣ боз шуда, тафтишот идома дорад.
Акси Матлуба Ахмедова, ки "ИмрӯзNews" нашр кардааст
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
