05 авг 2016 09:35Тоҷикистон / Иҷтимоӣ / Тема дня

Ҷузъиёти қатл ва резакунии Шаҳнозаю Фотима дар Душанбе

Додситонии кулли Тоҷикистон ҷузъиёти қатли ду зани ҷавон, ки ҷасадҳои резашудаашонро аз дарёи Душанбе дарёфт карданд, ифшо намуд.

Тавре аз ин ниҳод ба “Озодагон” иттилоъ доданд, дарёфти ду ҷасади ба қисмҳо ҷудошудаи занон дар дарёи Душанбе боиси паҳн шудани ҳар гуна овозаҳо миёни аҳолӣ гардид.

Манбаъ гуфт, 21 июли соли 2016 аз соҳили дарёи Душанбе, дар шафати кӯчаи Мушфиқӣ устухони кос ва 24 июли соли 2016 аз соҳили ҳамин дарё дар шафати кӯчаи Ҳосилот қисмҳои дигари бадани зани шахсияташ номаълум дарёфт карда шуд: “Дар рафти чорабиниҳои фаврию тафтишотии муштараки мақомоти прокуратура ва корҳои дохилӣ муайян карда шуд, ки зани кушташуда сокини шаҳри Душанбе Шаҳноза Р. соли таваллудаш 1988 мебошад. Куштори ӯ аз тарафи шавҳараш Бахтиёр А., соли таваллудаш 1978 дар заминаи рашк содир шуда, номбурда бо мақсади пинҳон кардани изҳои ҷиноят ҷасади ҳамсарашро ба қисмҳо ҷудо ва ба дарё партофтааст”.

Додситонии кулл мегӯяд, Бахтиёр гуноҳашро пурра иқрор карда, дар манзили зисташ низ паи хун дар девор ва либосҳои ҷабрдида муайян карда шуданд: “Ҳолати ҷой доштани муноқишаҳои доимиро байни зану шавҳар модар ва дугонаи ҷабрдида тасдиқ намуданд”.

Манбаъ афзуд, ки инчунин 29-уми июл аз соҳили дарёи Душанбе, дар маҳаллаи Соҳилӣ дар дохили халта ҷасади дигари порашудаи зани шахсияташ номаълум дарёфт карда шуд: “Дар натиҷаи гузаронидани амалиёти тафтишотӣ-фаврӣ муайян гардид, ки ин зани мақтул сокини ноҳияи Рӯдакӣ Фотима Б. соли таваллудаш 1993 буда, номбурда вақтҳои охир дар шаҳри Душанбе дар хобгоҳи умумӣ дар ҳуҷраи хоҳараш зиндагӣ мекардааст”.

Тафтишот муайян кардааст, ки Фотима бо се ҷавон-Дарвеш А, Нуриддин А, ва Исматулло М, шинос шуда, таклифи онҳоро барои ҳамхобагӣ қабул ва ҳамроҳашон ба манзили истиқоматии онҳо омадааст: “Дар хона байни онҳо муноқиша сар зада, дар рафти он шахсони номбурда Фотимаро тавассути буғӣ кардан ба ҳалокат расонидаанд ва рӯзи дигар ҷасади ӯро ба қисмҳо ҷудо ва ба дарёи Душанбе партофтаанд”.

Бар асоси иттилои додситонӣ Дарвеш, Нуриддин ва Исматулло гуноҳашонро пурра иқрор кардаанд: “Феълан аз рӯи ин ҳодисаҳо парвандаи ҷиноӣ оғоз гардида, тафтишот идома дорад”.

Қаблан Вазорати умури дохилии Тоҷикистон ҳар дуи ин кушторро кори дасти гуруҳи се ҷавони боздоштшуда арзёбӣ карда буд.

Мӯҳр

Хабарҳои монанд:

Ишматбой

Ҳамаи ин ҷиноятҳо сабаби аз дини Аллоҳ дур будан аст. Ҳар касе ки аз Худованд натарсад даст ба ҳар хел ҷиноят мезанад. Оқибати масҷидманъкуни ва бастани мадориси исломӣ ва тӯҳмат болои мусулмонон ана ҳамин аст. Бо баҳонаи терористу ифротгарои ҳукуматдорони мо эълони ҷанг бо Худо карданд.

Ҷавоб диҳед Иқтибос Шикоят

точик

Ишматбой,
Ишматбой бас кун бо ин гапхои хархелат факат дар мадраса ба чои таьлими мусалмано гиран навбврот дигар чиз меомузан нагз карданки хамачиза руст кардан

Ҷавоб диҳед Иқтибос Шикоят

Эзоҳ илова кунед