Амалиёти “ФСБ”: Боздошти фаъолони “Роҳнамо ба сӯи Давлати исломӣ”
Хадамоти амнияти федеролии Русия- “ФСБ” дар пайи як амалиёти густурда дар се вилояти Урал созмони тарғибгари “ДИИШ”-ро ошкор кардааст, ки ба ҷалби ҷангҷӯён, аз ҷумла тоҷикон ба ин созмони террористӣ машғул будааст.
Тибқи иттилоияи “ФСБ” дар пайи амалиёт дар ҳудуди вилоятҳои Свердлов, Тюмен ва Челябинск фаъолони созмони интернетии “Раҳнамо ба сӯи давлати исломӣ” боздошт гардиданд. Ба иттилои манбаъ ин ҷамъияти интернетӣ барои тарғиби идеология ва мағзшӯӣ ба хотири пайвастан ба сафи “Давлати исломӣ” ташкил шуда, ҳамчун ба ҷамъоварии маблағ барои сафарбар намудани ҷангҷӯён ба “ДИИШ” машғул будааст”.
Дар маҷмуъ ба иттилои “ФСБ” ҷамъияти “Раҳнамо” дар қаламрави Русия ва дигар кишварҳои ИДМ, Африқо ва Шарқи Наздик ҳудуди 100 ҳазор аъзо дошта, аз сӯи даҳҳо мудир-террористҳо тариқи барномаҳои махсус идора мешавад: “Ин одамон ҳам дар Русия ва ҳам дар кишварҳои Шарқи Наздик ва Африқои Шимолӣ асосан Сурия, Ироқ ва Миср зиндагӣ мекунанд. Мудирон барои фитнаандозӣ аз барномаҳое истифода мекунанд, ки маълумоти интиқолёфтаро махфӣ нигоҳ медоранд”.
Хадамоти амнияти федералии Русия мегӯяд, дар ҳудуди вилоятҳои Свердлов, Тюмен ва Челябинск дар маҳалли зиндагии аъзои ҷамъияти “Раҳнамо” 27 амалиёти кофтукоб гузаронда шудааст: “Зимни кофтукоб компютерҳо, телефонҳои мобилӣ, наворҳои видеоии тарғиботӣ, адабиёти экстримистӣ, кортҳои бонкӣ, 3 туфанг, 4 норинҷак ва 500 грам маводи таркандаи пластит ва 1 килограм тротил мусодира шудааст”.
Нисбати саркардаи ин ҷамъият ва 3 тан аз иштирокчиён барои фаъолияти террористӣ ва иштирок дар он парванда боз шуда, тафтишот идома дорад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |