20 авг 2016 12:03Тоҷикистон / Сиёсат / Тема дня

Ҳамсари М.Ҳайит: Шавҳарам гуфт шиканҷа нашудаам

Савринисо Ҷӯраева, ҳамсари Маҳмадалӣ Ҳайит, муовини раиси ҳизби фаъолияташ дар Тоҷикистон мамнӯи наҳзати исломӣ мегӯяд, субҳи имрӯз, 20 август бо шавҳараш дидор дошт.

Хонум Ҷӯраева дар суҳбати телефонӣ ба “Озодагон” гуфт, суҳбати онҳо ним соат идома кард ва Маҳмадалӣ Ҳайит аз вазъи саломатиаш шикоят накардааст: “Гуфт, ки шиканҷа нашудааст ва муносибати маъмурини зиндон бо ӯ хуб аст. Хурокро сари вақт меоранд”.

Савринисо Ҷӯраева гуфт, шавҳараш интизори баррасии шикояти кассатсиониаш аз сӯи Додгоҳи олии Тоҷикистон аст.

Ахиран, дар шабакаҳои иҷтимоӣ ва сомонаҳои марбут ба Ҳизби мамнӯи наҳзати исломӣ хабарҳое паҳн шуд, ки Маҳмадалӣ Ҳайит дар маҳкамаи тафтишотӣ (СИЗО)-и Вазорати адлия мавриди шиканҷа қарор гирифта, дасту пояшро шикастаанд. Илҳом Маҳмудов, муовини сардори Сарраёсати ислоҳи ҷазои ҷиноятии Вазорати адлия 19 август дар як суҳбати телефонӣ ба “Озодагон” гуфт, овозаҳо атрофи вазъи саломатии Маҳмадалӣ Ҳайит асос надоранд. Ба гуфтаи ӯ, шароити маҳбасхонаҳо хуб буда, зиндониён ба ғизо ва либос дастрасӣ доранд: “Ягон мушкиле нест, ҳамин овозаи росту дурӯғро мегиранд, паҳн мекунанд. Ҳамааш тенҷ аст, ман ҳайрон мешавам ба ҳамин хел гапҳо”.

Додгоҳи олии Тоҷикистон моҳи июни соли 2016 Маҳмадалӣ Ҳайитро ба ҳукми абад маҳкум кард.

Мӯҳр

Хабарҳои монанд:

ВКД

Онҷо вазият чунон бад аст ки Худованд фақат худаш медонад чи гап аст. Масулон чунон мекунанд ки хешутабор аз тарси инки боз ҳоли зиндониҳо бадтар нашавад ҳеч чиз намегуянд. Ҳамон чизеро мегуянд ки амният ба онҳо мегуяд.

Ҷавоб диҳед Иқтибос Шикоят

Кухистони

БА ХУДО ОЗОДАГОН КАНД ЗАНЕД! Шумо худ ин хамаро бовар доред. Вакте ки овозахо пахн мешаванд албата дуруст аст. Холо шумо менависед, ки зани у гуфт, хато метавон видео бо ин матн пахн кард. Илтимос як позицияро гиред. Фардо милат аз чонбозихои шумо кадр хохад кард. Ман медонам, ки хар шом ки ояд, зи паи он сахаре хаст.

Ҷавоб диҳед Иқтибос Шикоят

Эзоҳ илова кунед