Шукрона ҳангоми ҷилавгирӣ аз худкушии шавҳар рагҳояшро бурид (АКС)
Як зани ҷавон ҳангоми талош барои ҷилавгирӣ аз қасди худкушии шавҳар рагҳои хунгардашро буридааст.
Шукронаи Холмад, сокини 25-солаи шаҳри Кӯлоб ҳоло дар беморхона қарор дорад ва табибон вазъи ӯро “вазнини миёна” арзёбӣ мекунанд. Шукрона дар суҳбат ба “Озодагон” гуфт, ин ҳодиса рӯзи панҷшанбеи якуми сентябр ба вуқӯъ пайваст. Ба гуфтаи ӯ, ҳамсараш -- Аббос Нозимов баъди аз Русия депорт шудан дар ватан ҷойи кори дуруст пайдо накард ва аз моҳи марти соли ҷорӣ ба ин сӯ тамоман бекор буд. Ин вазъият ба ҳолати равониаш бетаъсир намонд ва зери бори вазнини рӯзгор мехост худкушӣ кунад: “Вакте хушдоманам аз хона берун шуд, шавҳарам кордро гирифта, мехост худро бикушад, ман ин ҳолатро дида, кордро қапидам, корд тез буд ва дастону гарданамро хуншор кард”.
Шукронаро бо дасту гардани хуншор ба беморхонаи вилоятӣ дар шаҳри Кӯлоб бурдаанд. Ба гуфтаи табибон корд рагҳои хунгарди ӯро бурдидааст.
Шукрона ва Аббос панҷ сол аст зиндагии муштарак доранд ва соҳиби ду фарзанд -- яке сесола ва дигарӣ яксолаанд. Шукрона мегӯяд, орзу дорад зуд аз беморхона рухсат шуда, ба хона назди кӯдакону шавҳараш баргардад: “Аз ҳамсарам ягон шикоят надорам. Ман вазъияти ӯро мефаҳмам”.
Дар ҳамин ҳол аз Шӯъбаи умури дохилии шаҳри Кӯлоб ба “Озодагон” гуфтанд, Аббос Нозимов дар шӯъба қарор дошта, нисбати ин ҳодиса тафтишот идома дорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |