08 сен 2016 15:54Тоҷикистон / Сиёсат / Дидгоҳи хос

Мақолаи Рустами Эмомалӣ: Аз Ватан ва истиқлоли он шукрона кунем

Рустами Эмомалӣ, фарзанди раисиҷумҳур Эмомалӣ Раҳмон ва раҳбари Ожонси мубориза бо фасоди Тоҷикистон бо нашри як мақола аз истиқлоли Тоҷикистон ва хидматҳои падараш дар роҳи истиқрори сулҳ тавсиф карда, ҳамчунин тамоми шаҳрвандонро ба ифтихору шукрона аз “Ватани аҷдодиву давлати соҳибистиқлол” даъват кардааст.

Дар ин мақолаи Рустами Эмомалӣ, ки таҳти унвони “Истиқлолият роҳ ба сӯи ҳадафҳои тақдирсоз аст”, дар шумораи махсуси ҳафтаномаи “Тоҷикистон”, чоп шудааст, таъкид мешавад, “бо ба даст овардани Истиқлолияти давлатӣ ормонҳои ҳазорсолаи давлатсозиву давлатдории ниёгони озодихоҳамон бо ҷаҳду талош ва бурду бохтҳои бешумор оқибат ҷомаи амал пӯшида, мо соҳиби давлати мустақили миллии хеш гардидем”.

Рустами Эмомалӣ дар идомаи матлаб аз хидматҳои Эмомалӣ Раҳмон ёдовар шуда, менависад: “Боиси қаноатмандист, ки Истиқлолияти давлатӣ тавассути сиёсати созандаю хирдамандона ва ҷаҳду талошҳои пайгиронаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Тоҷикистони азизи моро бо беҳтарин дастовардҳои сиёсиву иқтисодӣ, иҷтимиву фарҳангӣ, бунёди иншооти дорои аҳамияти стратегӣ ба ҷаҳониён муаррифӣ намуда, барои эъмори давлати ҳуқуқбунёду демократӣ ва ягонаю иҷтимоӣ заминаҳои мусоид фароҳам овард”.

Ба қавли раҳбари Ожонси мубориза бо фасоди Тоҷикистон, инсоният бо вуҷуди ҳамаи дастовардҳо ҳанӯз ба ормону орзуҳои деринааш, яъне як зиндагии поку пурсаодат, орому осуда ва озод аз хушунату ихтилофҳо дастёб нашудааст. Ӯ таъкид карда, ки бояд аз Ватан ва истиқлоли давлат шукрона кунему барои таҳкими он талош намоем.

Зоҳиран ин аввалин матлаби матбуотии Рустами Эмомалӣ баъди ба курсии раиси Агентии назорати давлатии молиявӣ ва мубориза бо коррупсия нишасти ӯ дар моҳи марти соли 2015 мебошад. Рустам аз ин пеш сардори Хадамоти гумрук буд.

Мӯҳр

Хабарҳои монанд:

Рустам

Мо тарафдори Асосгузори сулху вахдати милли, Пешвои точикони чахон, кахрамони Точикистон, Пешвои миллит, Призиденти Чумхурии Точикистон, Чаноби оли Эмомали Рахмон мебошем. Худое корхои давлатиашро бобарор бигардон.

Ҷавоб диҳед Иқтибос Шикоят

мигр

Сулҳ тарафайн дорад, бояд мардонавор тарафи дигарро ном бурд.
Дастовардҳои беҳтарин: тули 25 сол даст наёфтан ба таъмини пурраи кувваи барк, сузишвори, оби гарм...
Мо(оилави) соҳиби давлати мустақили миллии хеш

Ҷавоб диҳед Иқтибос Шикоят

Тоҷики беватан

Мурғи истиқлол омад пайки иқболи баланд,
Чун ҳумое соя меафганд аз боли баланд.
Марду зан по шуд ба истиқболи инъоми худо,
Ку расуле, к-оварад имрӯз пайғоми худо.
Дастае мехост чун кабки дарӣ ромаш кунад,
Дастае бо бӯи дон оварда дар домаш кунад.
Нашъаи озодӣ аз хумхона бар майдон гузашт,
Бода хомӣ дошт, боде аз дилу аз ҷон гузашт.
Мардуми побаста чун вораст аз занҷирҳо,
Шуд бурун аз чорчӯби худ ҳама тасвирҳо.
Бехабар аз он ки озодӣ ба имон бастааст,
Нест махлуқе, ки аз занҷиру зиндон растааст.
Ин ду ҳарфи соддаи ноошно таъбир шуд,
Ончунон тасвир шуд, охир нишони тир шуд.
ИН АТОИ ОСМОНӢ САР БА ПОЁН РАФТ, РАФТ,
ҲАМЧУ ИНЪОМИ ХУДОӢ БАР ГАДОЁН РАФТ, РАФТ...

Мӯъмин Қаноат

Ҷавоб диҳед Иқтибос Шикоят

Бежан Душанбе

Ое ин як вокеьаи таьрихист ки ин кадар онро нишон медиханд? Магар навиштани макола дар Точикистон бори аввал аст ва Рустам асосгузораш.Шояд ман хато кунам вале чандсад хазор одам макола менависад ва онхоро хам хар руз нишон бидихед ки реклама шавад барои онхо.Имруз дар чахон одамон ихтироохоро мекунанд ки лоики тахсини оламиенанд.вале дар мо аз маколача хурсанди доранд.

Ҷавоб диҳед Иқтибос Шикоят

PATRIOT

ХАЙ ШУМО ДОРЕД ХАМА ЧИЗ ШУКРОНА КАРДЕН ГИРЕД 1 ЧАХОН ТАШАККУР

Ҷавоб диҳед Иқтибос Шикоят

PATRIOT

САЛОИ ОЗОДАГОНИ ТАРСУ ЧАРО НАВИСТАИ МАРО НАШР НАКАРДЕД

Ҷавоб диҳед Иқтибос Шикоят

Эзоҳ илова кунед