20 сен 2016 10:27Тоҷикистон / Рӯ ба рӯ

Барканории капитан Каримов барои латукӯб ва таҳдид: Чорумборда мепарронамаш (ВИДЕО)

Додситонии кулли Тоҷикистон дар пайи дархости Эътилофи зидди шиканҷа қазияи латукӯби як ҷавон аз ҷониби корманди милисаро баррасӣ кардааст.

Ин ниҳод дар посух ба муроҷиати эътилофи зидди шиканҷа изҳор доштааст, ки “оид ба ҳолати мазкур аз тарафи Прокуратураи шаҳри Душанбе санҷиш гузаронида шуда, муқаррар гардид, ки нозири шуъбаи милитсия оид ба масъалаҳои экологии РВКД дар шаҳри Душанбе, капитани милитсия Каримов Отамурод бинобар сабаби аз ҷониби шаҳрвандон нисбаташ беҳурматӣ зоҳир намудан ба ғазаб омада, бо алфози қабеҳ сухан гуфта, нисбаташон даст бардоштааст. Барои роҳ додан ба қонунвайронкунии мазкур, Каримов аз вазифаи ишғолкардааш озод шуда, рухсатшавии ӯ аз мақомоти корҳои дохилӣ масъалагузорӣ карда шуд. Санҷиш дар ин самт идома дошта, дар сурати муайян шудани шахсияти ҷабрдидагон, нисбати Каримов чораҳои қонунӣ андешида мешавад”.

Эътилофи ҷомеаи шаҳрвандии Тоҷикистон зидди шиканҷа 9-уми август, бо пешниҳоди ариза ба Юсуф Раҳмон, додситони кулли Тоҷикистон хост, ба қазияи латукӯби як ҷавон аз ҷониби корманди милиса расидагӣ кунад.

Ин эътилоф бо пахши як изҳорот аз беҷазоӣ дар мавриди содир шудани ҷиноят изҳори нигаронӣ карда, афзуд, лаҳзаи қонуншиканӣ дар навори видеоие сабт шудааст: “Видеонавори номбурда аз ҷониби шахси номаълум, ки иштирокчии ин ҳодиса мебошад, сабт гардидааст. Ин амалҳо эҳтимолан дар шаҳри Душанбе иҷро шудаанд, ки яке аз милисаҳо бо телефон ба ҷои ҳодиса ишора мекунад: “Ай чойхонаи Дилкушо ису тов хўр”. Дар видеонавор ба таври дақиқ мошини хизматии «Нива Шевролет», рақами қайди давлатии 7651 В 01 РТ-ро дидан мумкин аст. Капитани милиса ба ноболиғ муроҷиат намуда, аз ў талаб мекунад, ки ҷои ҳодисаро тарк намояд. Дар баробари ин, ў ноболиғро ду маротиба бо дасташ мезанад, маротибаи якум дар қисми сар, маротибаи дуюм бошад, дида намешавад, аммо садояш сабт гардидааст. Ба мулоҳизаи нафари иштирокдошта оид ба он, ки ў ҳуқуқ надорад бо ин ҷавон чунин рафтор кунад, капитани милиса ҷавоб медиҳад, ки “кўдаки роҳгузара се бор илтимос кардам, гуфтам чорумборда мепарронамаш”. Ин навор рафтори ғайриқонунии корманди милисаро нишон медиҳад, ки дар муносибати бераҳмона, паст задани шаъну шараф нисбати эҳтимол шахси ноболиғ, таҳдиди куштор бо роҳи истифода намудани яроқи оташфишон асос ёфтааст”.

Эътилофи ҷомеаи шаҳрвандии Тоҷикистон зидди шиканҷа афзуд, ки ба ғайр аз ин, корманди милиса ҳангоми муроҷиат ба шаҳрвандон аз калимаҳои қабеҳ истифода намуда, шаъну шарафи онҳоро паст мезанад, ки ба Фармони Вазири корҳои дохилии Ҷумҳурии Тоҷикистон аз 1-уми январи соли 2006, №1 «Дар бораи хушмуомилагӣ ва муносибати бодиққати кормандони мақомоти корҳои дохилӣ ва хизматчиёни ҳарбии қўшунҳои дохилӣ бо шаҳрвандон» мутобиқат намекунад.

Ба иддаои манбаъ, корманди дуюми милиса барои чунин рафтори ҳамкораш ўро ягон сарзаниш намекунад, ки бо ин рафтораш амалҳои аввалиро дастгирӣ менамояд.

Мӯҳр

Хабарҳои монанд:

БОБО

Факат барканори тамом охир бояд чазо гирад аз руи конун милисаи бесаводи бетарбия мн аст сиесати хирадмандонаи пешвои миллат агар узви ХНИТ мебуд як умра зиндонаш мекарданд.Э ХУДОЧОННННННННННННН чи кор кунам ба ин беадолатиииииииииииии

Ҷавоб диҳед Иқтибос Шикоят

Юсуф

Ин милисаро натанҳо аз кор рондан, балки ба фоидаи ҷабрдида ҷаримаи калон кардан даркор, то ки ба дигар ҳамкасбонаш дарси ибрат шавад!
Воқеан, ҳануз ҳам сафҳои ВКД ислоҳоти (реформаи) ҷиддӣ мехоҳад. Ҷаноби Вазир, ки бо фарҳанг ва инсондӯстии волоиаш машҳур аст, бигзор озмун эълон карда, ба ҷои милисаҳои бераҳму золими кӯрсавод, ҷавонони доно ва саводнокро ба кор бигирад. То рӯзе, ки милисаҳои садист дар вазифаанд, мо шаҳрвандон, наметавонем худро бехатар ҳис кунем.

Ҷавоб диҳед Иқтибос Шикоят

Ба Юсуф

Ҷаноби Вазир, ки бо фарҳанг ва инсондӯстии волоиаш машҳур аст

------------------------------------------------------------------------------

Ба хамин навиштаат бовар дори, е мадхия мегуи?

Ҷавоб диҳед Иқтибос Шикоят

Форситоҷик

Чаро ҷазо таин накардед .Агар Шарванди оди Мешид Зиндонаш мекардед Коркуни Давлат хаст Дастгириш мекнен.Актиёро

Ҷавоб диҳед Иқтибос Шикоят

Эзоҳ илова кунед