Ҷонибдории Дума аз ифтитоҳи намояндагии гумрук дар Тоҷикистон
Думаи давлатии Русия созишномаи ҳукуматҳои Тоҷикистон ва Русияро дар мавриди бунёди намояндагиҳои хадамоти гумрук дар ду кишвар ба тасвиб расондааст.
Иля Трунин, муовини вазири молияи Русия 11-уми ноябр зимни муаррифи лоиҳа дар парлумон гуфт, ин созишнома барои беҳбуди шароити интиқоли молу коло байни ду кишвар мусоидат мекунад: “Пардохти пули гумрукро осон ва тафтишоти гумрукиро содда мекунад”.
Бар асоси ин созишнома дар назар аст, ки намояндагони гумруки ду кишвар дар чорабиниҳои амалисозии шартномаҳои байналмилалӣ дар умури гумрукӣ иштирок кунанд. Зимни баррасии созишнома бархе аз намояндагони Думаи давлатии Русия дар мавриди боз будани марзҳои Русия барои қочоқи маводи мухаддир аз Тоҷикистон изҳори нигаронӣ кардаанд, аммо ҷонибдорони созишнома гуфтаанд, ифтитоҳи намояндагиҳо барои мубориза алайҳи қочоқи маводи мухаддир низ мусоидат мекунад.
Ифтитоҳи намояндагиҳо дар ҳолест, ки тирамоҳи соли гузашта мақомоти гумруки Тоҷикистону Русия созиш карданд, ки барои ҷилавгирӣ аз пулшӯӣ ва маблағгузории терроризм назорати пули нақдро, ки шаҳрвандон бо худ интиқол медиҳанд, пурзӯр кунанд. Ҳукумати Тоҷикистон изҳор дошта буд, ки ин иқдом алайҳи қонунӣ гардондани пули тариқи ғайриқонунӣ бадастомада ва маблағгузории терроризм равона шудааст. Таъкид шуда буд, ки ин созишнома ба ҳамкории иттилоотӣ миёни мақомоти гумрук ҳангоми интиқоли пули нақд ё воситаҳои пулӣ аз ҷониби шаҳрвандон марбут мебошад.
Аз Тоҷикистон дар Русия наздики 1 миллион муҳоҷири тоҷик кор мекунанд, ки маблағи онҳо таъминкунандаи асосии рушди иқтисодию иҷтимоии Тоҷикистон арзёбӣ мешавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |