Cафорати Амрико: Трамп сафир дар Душанберо барканор намекунад
Тавре аз сафорати Амрико ба "Озодагон" иттилоъ доданд, дар изҳороте, ки аз қавли Доналд Трамп дар расонаҳои амрикоӣ чоп шудааст, танҳо дар мавриди сафироне сухан меравад, ки бевосита аз ҷониби Барак Обама, раисиҷумҳури феълии ИМА таъин шудаанд: "Ин изҳорот ба Элизабет Миллард, сафири ИМА дар Тоҷикистон дахл надорад, зеро ӯро худи департаменти давлатии ИМА таъин кардааст. Ҳастанд сафироне, ки бевосита аз ҷониби раисиҷумҳури Амрико таъин мешаванд ва Трамп хостори барканории маҳз онҳо шудааст".
Ахиран расонаҳои амрикоӣ хабар доданд, ки Доналд Трамп, раисиҷумҳури тозаинтихоби ИМА бо ирсоли дархост ба Вазорати умури хориҷии ИМА таъкид кардааст, ки бидуни истисно то санаи қабули савгандаш, ки 20-уми январ дар назар аст, тамоми сафирони кишвараш дар хориҷ мақомашонро тарк намоянд.
Расонаҳои амрикоӣ бо нашри ин хабар дастури Трампро мушкилзо хондаанд, зеро Амрико метавонад то тасдиқи номзадҳои нав дар бархе аз кишварҳои муҳим бе сафир монад.
Шарҳи сафорати Амрико дар ин маврид дар ҳоле ироа шуд, ки аз оғози фаъолияти Элизабет Миллард, сафири Амрико дар Тоҷикистон ҳамагӣ як сол гузаштааст. Миллард, ки аввали соли 2016 ба ҳайси сафир дар Тоҷикистон ба фаъолият оғоз кард, дорои рутбаи баланди Мушовир-фиристода мебошад.
Тибқи иттилои мақомоти Амрико Элизабет Миллард фаъолияти дипломатии хешро аз соли 1992 шурӯъ намуда, дар Касабланка, Копенгаген, Катманду, Прага фаъолият кардааст ва якчанд вазифаи дохили давлатиро низ бар дӯш доштааст: “Қабл аз фаъолияти дипломатиаш, Сафир Миллард ба ҳайси ҳамоҳангсози лоиҳаи Делфи Интернэшинал, мутахассиси лоиҳаи USAID дар Ню-Дели, корманди бонки “Континэнтел Иллинойс Нейшнл Бэнк энд Траст Компани” дар Манамаи Баҳрайн адои вазифа намудааст”.
Миллард дар мақоми сафири ИМА дар Душанбе Сюзан Эллиоттро иваз карда буд, ки аз моҳи октбяри соли 2012 дар ин курсӣ менишаст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
