«Хома» мураббӣ омода мекунад. Барои ВАО-и Тоҷикистон

Тренинги дуюми мураббиёни ВАО дар доираи лоиҳаи «Таъсиси базаи миллии тренерони ВАО», ки дирӯз дар Душанбе ба кори худ шурӯъ намуд, рӯзи 25 феврал ба анҷом мерасад.

---

Дар ин бора аз СҶ «Хома» ба хабаргузории «Озодагон» иттилоъ доданд. Лоиҳаи мазкур бо маблағгузории барномаи ВАО-и Институти «Ҷамъияти Кушода»-Бунёди Мадад дар Тоҷикистон ва дар ҳамбастагӣ бо Мактаби журналистикаи Мактаби олии иқтисодии Русия ва Мактаби олии журналистикаи Молдова амалӣ мегардад.

 

Гуфтанист, ҳадафи асосии лоиҳаи мазкур таъсиси базаи тренерон ва машваратчиён барои рушди ВАО-и Тоҷикистон мебошад: «Иштирокчиён дониши андӯхтаашонро таҳким бахшида, модулҳои таълимии худро муаррифӣ мекунанд, бурду бохти онро месанҷанд ва камбудиашонро ислоҳ мекунанд. Модулҳои таълимӣ бахшҳои гуногуни журналистикаро аз қабили гузориши телевизионӣ ва радиоӣ, ташкили кори шӯъбаи ахбор, таҳқиқоти журналистӣ, журналистикаи чандрасонаӣ ва ғайраро фаро мегиранд».

Лозим ба ёдоварист, давраи якуми омӯзиш моҳи декабри соли 2011 баргузор гардида буд. Намояндагони Созмони ҷамъиятии «Хома» мегӯянд, дар ҷараёни омӯзиш, иштирокчиён бо усули таълими калонсолон ошно шуда, тарзи навиштани дастурҳои таълимиро омӯхтанд.

Мӯҳр