Бахшҳо
25 май 2011 06:10Дидгоҳи хос

Худкамбинӣ

Чандест сари ҳар қадам бархӯрд ба ин падида азобам медиҳад. Ҳамон гуна, ки худхоҳии ифротӣ нафратовар аст, худро кам дидан ва ҳамаи норасоиву бедаступоиро ба номи миллат гиреҳ заданҳо мисли теғе асабу қалбро захмӣ мекунад. Ҳар касу бекасе вақте як кори нодуруcт анҷомшударо мебинад мегӯяд: тоҷикӣ-дия! Ҳатто бисёр мешавад шоҳид бар онем, ки агар кореро сараму дилам, яъне нимакора анҷом доданӣ бошанд, мегӯянд: тоҷикиш кун! Худоё, ифтихори ин мардумро чи бало зада? Албатта ҳикмате ҳаст, ки миллатҳои бузург ба нуқси худ механданд .

Аммо дар ин баробар миллатҳои бузург нуқсҳоро иcлоҳ мекунанд, на ин ки нуқсҳоро ба қавле пӯшиши миллӣ диҳанд. Ва беш аз ин миллатҳои бузург равонкову равоншиносони бузург ҳам доранду падидаҳои равониву иҷтимоиро баррасӣ ва натиҷагирӣ мекунанд. Аз сӯи дигар ин падидае, ки дар кишвари мо мушоҳида мешавад ба худ хандидан ва аз камбудиҳо ибрат гирифтану ислоҳ шудан нест! Ин худкамбинист.

Ҷои таасуф дорад, ки мо як равонкови пӯё ва дақиқназаре надорем, то падидаҳои ҷомеаи моро аз назари ин илм арзёбӣ кунад. Беш аз ин худкамбинӣ ҳолати фарогир дар ҷомеа пайдо кардааст. Агар нафаре ё чанд тане натавонанд кореро анҷом диҳанд, ин маънои онро надорад, ки ҳамаи тоҷик он корро наметавонад анҷом диҳад. Нотавониву нокоромадии худро ба номи миллат задан таҳқири ин миллат аст.

Беш аз ин банда бар ин боварам, ки ин гуна эҳсоси худтаҳқирӣ ва худкамбиниро дар байни мардуми мо бегонагон ва душманони тоҷик ҷо кардаанд. Ман ба ҳеч ваҷҳ ҷонибдори ифтихороти сохта ва ғурури беасос нестам. Вале ба ҳеч ваҷҳ наметавонам бипазирам, ки ҳама нуқсу норасоӣ ба миллати ман рабт мегирад!

Як ҷиҳати дигари фоҷиабори худкамбинӣ ин аст, ки ҳечкораҳое худро дар авҷи қудрат мебинанду даст ба ҳар коре мезананд. Таври мисол бархе афроди дар ҷомеа аз бозии бади айём ба иқтидор расида ва соҳиби ҷойгоҳи иҷтимоӣ шуда чун мебинанд, ки дигарон дар наздаш эҳсоси худкамбинӣ доранд, эҳсоси худбешбинияшон авҷ мегирад.

Хоксорӣ шояд писандидатарин хислату вижагии инсони хирадманду хирадмадор бошад. Вале дар баробари афроде, ки медонӣ аз назари донишу ақлу фаросат аз ту садҳо зина поинтар аст ва ба ҳеч ваҷҳ арзишҳои волои ахлоқиро меъёр намешумораду ба онҳо арҷ намегузорад, хоксорӣ кардан агар ҷиноят нест, ҳатман гуноҳ аст. Ва агар ин амал реша дар падидаи худкамбинӣ дошта бошад ҳатман хиёнат ба асолату шарофати инсон аст.

Зикр кардам, ки дар ҷомеа худкамбинӣ дар ҳоли табдил шудан ба як падидаи фарогир аст. Воқеан ин амрро дар майдони сиёсат низ метавон ба мушоҳида нишаст ва амали аҳзоби сиёсӣ ва сиёсатмадорони зиёдеро нишони худкамбинӣ арзёбӣ намуд. Шояд дар хеле ҳолат онҳо иддао бикунанд, ки ин як монёври сиёсист. Шояд дар асл тарс ва ё заъфҳои дигаре вуҷуд дорад, ки онҳоро ба худкамбинӣ ва бечоранолӣ во медорад. Вале агар дар майдони сиёсӣ худро кам мебинанд пас бояд берун раванд. Ҳизби сиёсӣ фақат барои расидан ба ҳукумат таъсис мешавад. Ҳама гуна ҳадафу таърифҳои дигар асосӣ нестанд. Агар ҳизби сиёсие, ки даъвои ба ҳокимият омадан надорад, ҳизб нест. Худкамбинии ҳизб ва шахсияти сиёсӣ марги сиёсии он ҳизб ва он шахсият аст.

Албатта ҳадафи ман ҳеч ҳизб ё шахси сиёсӣ набуд. Фақат мехостам таъкиде дошта бошам, ки худкамбинӣ дар ҳама сатҳ фарогир шудаву ин ҳолат барои  худбешбинии бархе замина фароҳам овардааст. Гузашта аз ин ҳама раванди мазкур оқибати фоҷиаборе барои миллат метавонад дошта бошад.

Зафари Сӯфӣ

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)