09 авг 2013 10:14Тоҷикистон / Рӯ ба рӯ

Нигаронии вазир аз худсариҳои кормандони пулис дар рӯзҳои иди Фитр

Рамазон Раҳимов, вазири умури дохилии Тоҷикистон, барои дарёфт ва муҷозоти кормандони пулис, ки дар рӯзҳои иди Фитр худсарона дар ноҳияи Восеъ дидбонгоҳ ташкил намуда, ронандаю мусофиронро беасос тафтишу санҷиш кардаанд, супориш додааст.

Вазорати умури дохилии Тоҷикистон мегӯяд, рӯзҳои 6 ва 7-уми августи соли равон дар минтақаи «Олимтой»-и ноҳияи Восеъ як гуруҳ кормандони милитсия бемувофиқа бо роҳбарияти ин ниҳод дидбонгоҳ ташкил карда, ронандагон ва мусофиронро беасос манъ намуда, мавриди санҷиш қарор додаанд.

Ба иттилои вазорат ин худсарии кормандон, ки боиси норозигии ронандагон ва шаҳрвандон дар арафаи Иди саиди Фитр гардидааст, роҳбарияти ин ниҳодро ба ташвиш оварда, барои муайян намудани кормандони милитсия, ки ба ин амали номатлуб даст задаанд ва ба ҷавобгарии интизомӣ кашидани онҳо санҷиши хизматӣ таъин карда шудааст. Манбаъ афзуд, ки рафти санҷиши хизматӣ зери назорати бевоситаи вазири корҳои дохилии Тоҷикистон қарор дорад.

Вазорати умури дохилӣ аз шаҳрвандоне, ки вобаста ба дидбонгоҳи мазкур ягон арзу шикоят доранд, даъват мекунад, ки тариқи телефони боварии Вазири корҳои дохилӣ (221-21-21) муроҷиат намоянд.

Мӯҳр

Хабарҳои монанд:

ҳалим

Ҷаноби Вазир илтимос як бор биёед ру ба руи Раёсати БДА ВКД Тоҷикистонро ба чашми худ рафта бинед. Як бегоҳ соати 17-19. Дар ру баруи кабинети Сардори БДА ВКД ҷумҳурӣ. Бардак. роҳҳоро таксиҳои ҳисор банд мекунанд. Ҳар руз сардори Раёсти БДА кати муовинонаш ва сардорони раёсатош аз ҳамунҷа мегузаранд. Таксиҳои ҳисор ва шаҳринав то подеъзҳои домҳои наздика пур карданд. Наход аз шаҳр берун ҷой карда нашавад а? Илтимос ҷаноби вазир худатон як назорат кунед. Бовар кунед саҳар соати 05 ё 06 бедорат мекунад овози дағали баъзе таксисто. Саломат бошед мӯҳтарам Вазир.

Ҷавоб диҳед Иқтибос Шикоят

Макс1111

Мухтарам вазир Хамин кормандони БДА-и ш.Душанберо ба ш. Хоруг фиристонед. Чун, ки инхо бисер ришваситониро дуст медоран, мана ончо Рафта кани ришва ситонанд сад дар сад бовар дорам, ки аз ончо е мегурезанд е ба фалокате дучор мегарданд. Дар Душанбе бо як шалоку бо ягон дашном мардумро бурда бо азобу шиканча махбас Карда истодаанд .Кани ин гардан гавсо рафта дар ончо конунро чори Кунард. Бад Маллум мешавад!!!!!!!!!!!!.

Ҷавоб диҳед Иқтибос Шикоят

Шахрванд

Аввал ин, ки ин хабарро мо рузи 6-ум хонда истодаем. Дар он дар бораи рузхои 6-7 ум гап меравад. Ин аллакай1 дуруги махз аст. Огои "Озодагон"! Биёед як маротиба гуфти мардуми бофархангамон "кач нишинему рост бигуем" Ман аз тачрибаи ронандагии худам ва баъзе дустонам мисол меоварам: Кабл аз хама дар солхои охир муомилаи кормандони ГАИ бо ронандахо хеле хуб шудааст. Ёд надорам ,ки бе маънию бемаврид манро манъ карда бошанд. Дар хаммаи ин оромихою тинчи ба гайр аз дигар сохторхои милеса бештар сахми коркунони ГАИ мебошад, ки ба ин тан додан даркор. Дар охир гуфтаниям, ки шояд Шумо фикр кунед, ки ман коркуни ГАИ-ям барои хамин "таъриф" росташа гуфтам. Дар ягон солу замон на худам ва на ягон хешу таборам милеса набуд. Лекин ба ин кадар мехнати пурмашакати онхо офаринашон мегуям! Мухтарам Озодагон чуръати чоп кардан дошта бошед кани бинем.....

Ҷавоб диҳед Иқтибос Шикоят

Эзоҳ илова кунед