20 авг 2014 09:25Тоҷикистон / Сиёсат / Рӯ ба рӯ / Видео

ВИДЕО: Пайдо шудани навори тирпаронии 21 майи Хоруғ дар Интернет

Дар шабакаи Интернет навори видеоие дар бораи ҳодисаи тирпаронии 21 майи соли ҷорӣ дар шаҳри Хоруғи вилояти Бадахшон пайдо шудааст. Ин навор аз сӯи афроди номаълум вориди интернет шуда, аз рафти амалиёт ва тирпаронӣ дар ин ҳодиса хабар медиҳад.

Тавре дар сонияи 5-уми ин навори видеоӣ дида мешавад, мошини боркаше дар назди Шуъбаи умури дохилии Хоруғ ба миёни роҳ баромада, ҳаракатро қатъ менамояд ва, инчунин, аз ҳузури як гуруҳ афроде, ки дар бар либосҳои ҳарбӣ доранд, ишора мекунад.

Дар навори мазкур ба таври равшан мушоҳида мешавад, ки чигуна дар гирду атрофи низомиён сокинони осоишта ҳанӯз чанд дақиқа қабл аз оғози амалиёт гаштугузор доранд. Дар сонияи 26-уми навор мошини сафеде пайдо шуда, аз қисмати роҳе, ки тавассути мошини боркаш банд шуда буд, мегузарад. Вале дар сонияи 29-ум тирпаронӣ самти мошини сиёҳе оғоз мешавад, ки дар дохили он Мунаввар Шанбиев, Фрайдун Абдурасулов ва Собир Худоихонов будаанд.

Баъд аз гузаштани 8 сония нафаре дар наздикии қисмати бандшудаи роҳ ба замин меафтаду баъдан ӯро ба дигар макон интиқол медиҳанд.

Дар ҳодисаи тирпаронии 21 май дар маркази Хоруғ панҷ нафар ҷон бохта, чанд тани дигар ҷароҳат бардошта буданд. Мақомот гуфтанд, ин амалиёти махсус барои боздошти афроди гумонбар дар қочоқи маводи мухаддир буд.

Мӯҳр

Хабарҳои монанд:

бадахшони

ой ,номардхо----ОЗОДАГОН. Барои чи наворро гирифтед, барои чи коментарияро сабт нанамудед. Маълум шуд, ки барои ки кор мекунед

Ҷавоб диҳед Иқтибос Шикоят

Tashakkur

Ҷавоб диҳед Иқтибос Шикоят

Бадахшони

Озодагон шарм кунед,то ба кай масхарабози мекунед.Сабтхо аллакай дар Ю-туб вучудl доранд.Ё,ки шумо факат барои пулчамкуни вучуд доред.Акнун маълум шуд ,ки айбдор, -нишон дихед барои мардум.Лекин нохак мардуми Бадахшонро айбдор насозед .Шофёр аллакай барои бачахо гуфта дод ,ки у шахси бо номи Мунавварро намешиносад ва пеши рафтаги хам нест.Фикр кунед коратонро--сохторхои кудратии ВМБК ва умуман дар ЧТ. Ин хаст хизмати шумо барои мардуми точик--барои миллате,ки шумо факат аз минбар вохима мекунед.

Ҷавоб диҳед Иқтибос Шикоят

Бадахшони

ОЗОДАГОН!!!!!! шарм кунед...Хамчун озод шумо хам рафтор намоед. Мардуми мо наворро аз ю-тубу дигар блогхо тамошо дорад.Агар шумо махкам намекардед наворро дар дигар блогхо чойгир намекарданд.Акнун кариб ки хама ин наворро тамошо карданд.Очати махкам намудан нест хозир--нишон дихед акнун..

Ҷавоб диҳед Иқтибос Шикоят

Эзоҳ илова кунед