13 фев 2014 09:14Тоҷикистон / Иҷтимоӣ

Вазири тандурустии Тоҷикистон дигар Салимов нест

Нусратулло Салимов, вазири тандурустӣ ва ҳифзи иҷтимоии аҳолии Тоҷикистон, насаби худро ба Нусратулло Файзулло иваз кардааст. Дар ин бора вазорат бо пахши як иттилоия хабар дод.

Ба қавли манбаъ, ба хотири арҷгузорӣ ба анъанаҳои миллӣ, дар доираи талаботи қонун “Дар бораи бақайдгирии давлатии асноди ҳолати шаҳрвандӣ” маълумоти шиносномавии вазири тандурустӣ ва ҳифзи иҷтимоии аҳолии Тоҷикистон Салимов Нусратулло Файзуллоевич ба Нусратулло Файзулло иваз карда шудааст.

Кормандони воломақоми давлатӣ баъд аз ҷаласаи васеи ҳукумат, ки Шерхон Салимзода, додситони кулли Тоҷикистон аз истифодаи “ов” ва “ович” дар номгузории тоҷикистониён интиқод кард, ба тағйири насабашон пардохтанд. Қаблан аз тағйири насаб Қосими Раҳбар, вазири кишоварзӣ, Абдуфаттоҳ Ғоиб, раиси Оҷонсии зидди фасод, Гавҳар Шарофзода, раиси Кумитаи забон ва истилоҳот ва Бахтиёр Худоёрзода, раиси дастгоҳи иҷроияи президент хабар доданд.

Дар мавриди номгузории миллӣ Шерхон Салимзода таъкид намуд, тибқи қонунгузории кишвар татбиқи пасвандҳои русии “ов”-у “ович” ва “ова”-ю “овна” манъ аст, аммо мутасаддиёни номгузорӣ ин муқарраротро сарфи назар мекунанд. “Аксаран бо мусоидати онҳо шаҳрвандони Тоҷикистон аз пасвандҳои “ов” ва “ович” кор мебаранд”,-афзуд ӯ. Додситони кулли Тоҷикистон илова кард, номгузории шаҳрвандони кишвар бояд бо усули миллӣ сурат бигирад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Руссия ки намераванд вичу ов даркор несташон

Ҷавоб диҳед Иқтибос Шикоят

Мубораки

Моддаи 20. Сабти ном, номи падар ва насаби кўдак ҳангоми бақайдгирии давлатии таваллуд
1. Насаби кўдак дар вақти бақайдгирии давлатии таваллуд бо насаби падару модараш сабт карда мешавад. Дар сурати гуногун будани насаби падару модар насаби кўдак бо мувофиқаи падару модар бо насаби падар ё бо насаби модар ё ин ки бо номи падар тибқи қисми 2 моддаи мазкур сабт карда мешавад.
2. Насаби кўдак, инчунин бо хоҳиши падару модар тибқи анъанаҳои миллӣ аз номи падар, решаи насаби ў бо илова кардани суффиксҳои «зода», «зод», «ӣ», «ий», «иён», «пур», «духт» ва ё унсурҳои «пури», «духти» ё бо роҳи пас аз номи кўдак ё номи падари ў илова кардани решаи насабаш ташаккул меёбад.

Чунон ки аз мукаррароти конун мебинем, пасвандхои русии -ов, -ович... манъ карда нашудаанд. Дар банди 1-и моддаи 20 ошкор гуфта шудааст, ки насаби кудак бо насаби падар ё модараш (ки 99 дарсад -ов доранд) сабт карда мешавад. Аммо ИНЧУНИН имкон дорад пасвандхои миллиро ба кор баранд (банди 2) .
Чаноби Шерхон Салимзода, акнун ки фахмидед, як чуръат карда пешниход кунед, ки ба ин конун тагйирот ворид карда, гузоштани пасвандхои русиро дар ТЧК мамнуъ эълон кунанд. Факат натарсед.... Худо тавфикатон дихад!

Ҷавоб диҳед Иқтибос Шикоят

Эзоҳ илова кунед