АКС: Мусодираи 2 корхонаи Зайд Саидов ва баҳс барои 4-тои боқимонда
Вакилони мудофеи Зайд Саидов, соҳибкори зиндонии тоҷик мегӯянд, феълан ду корхонаи зерҳимояашон мусодира шуда, баҳс барои гирифтани 4 корхонаи дигар дар додгоҳҳои кишвар идома дорад.
Исҳоқ Табаров, ки баъди боздошти Фахриддин Зокиров, ҳимояти ҳуқуқҳои Зайд Саидовро дар парвандаҳои иқтисодӣ ба уҳда дорад, ба “Озодагон” гуфт, ахиран додгоҳ қарор баровард, ки корхонаи “Тоҷикмармар” ба фоидаи давлат мусодира шавад. Исҳоқ Табаров мегӯяд, ки зерҳимояаш аз ин қарори додгоҳ норизо буда, вакилон баъди дастрас кардани ҳалномаи додгоҳӣ шикоятаи кассатсионӣ хоҳанд бурд: “Тибқи гуфтаҳояшон, баъди панҷ рӯзи ҳукм ҳалномаро ба мо дастрас мекунанд. Ман ва зерҳимояам аз ин қарори додгоҳ қаноатманд нестем, зеро зерҳимояам корхонаи “Тоҷикмармар”-ро ҳанӯз замони дар муҳоҷират қарор доштанаш харидорӣ ва хусусӣ карда буд.”
Ба гуфтаи Исҳоқ Табаров, зерҳимояаш- Зайд Саидов барои фаъол кардани корхонаи мазкур дар солҳои 90-ум ба маблағи ҳудуди 2 милион доллар таҷҳизот нав ва системаи автоматии итолиёвӣ харидорӣ карда буд.
Исҳоқ Табаров мегӯяд, ки додгоҳҳои Тоҷикистон дар нисбати парвандаҳои иқтисодии Зайд Саидов танҳо даъвои оҷонсии мубориза бо фасодро “амалӣ” мекунад.
Исҳоқ Табаров инчунин аз дукони “Модная точка”-и марбут ба зерҳимояаш зикр кард, ки ахиран ба фоидаи давлат мусодира шудааст. Табаров мегӯяд, баррасии ин парванда низ мунсифона набуд.
Маврид ба зикр аст, ки таърихи 7-уми март додгоҳ бо қарори худ дукони “Модная точка”-ро бо руёнидани 60-ҳазор сомонӣ аз тарафи соҳибмулки аввал- Саидаҳмад Халифаев ба соҳибмулки охири он Хуршед Саидов ин маконро ба ҳисоби вазорати энержӣ ва захираҳои оби кишвар баргардонд.
Исҳоқ Табаров гуфт, ки дар нисбати ҳукми ҳар ду парванда ба зинаҳои болоӣ шикоят хоҳад бурд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |