30 апр 2014 09:48Тоҷикистон / Иҷтимоӣ

Ҷарроҳии Шаҳбол Мирзоев дар Русия ба таъхир афтод

Ҷарроҳии Шаҳбол Мирзоев, сарбози маъюбшудаи тоҷик, ки интизор мерафт, 30 апрел дар бемористони низомии шаҳри Красногорски вилояти Маскав сурат бигирад, ба таъхир уфтодааст.

Нуъмон Мирзоев, падари ин сарбози латту кӯбшудаи Сарраёсати қушунҳои сарҳадии Тоҷикистон, рӯзи 30 апрел дар суҳбат бо “Озодагон” гуфт, ба хотири баланд шудани ҳарорати бадан (темпаратура)-и Шаҳбол ҷарроҳии ӯ мавқуф гузошта шудааст. Ба гуфтаи Мирзоев, санаи дақиқи ҷарроҳии писарашро муттахассисони бемористони низомии Красногорски Русия гуфтаанд, баъд аз 1 майи соли ҷорӣ муайян хоҳанд кард.

“Феълан бархе доруҳои фармудаи табибони русро барои нигоҳ доштани ҳарорати баданаш медиҳем, вале ҳоло рӯзи дақиқи ҷарроҳӣ муайян нест”,-афзуд ӯ.

Шаҳбол Мирзоеви 23 сола фориғуттаҳсили Донишгоҳи ҳуқуқ ва тиҷорати шаҳри Хуҷанд мебошаду ҳамагӣ 7 моҳ қабл довталабона ба хидмати низомӣ рафта буд. Ӯ шоми 8 марти соли ҷорӣ аз сӯи ҳамхидматаш дар қисми ҳарбии марзбонии 2620 мавриди “латтукӯб”-и шадид қарор гирифта, сутунмуҳрааш мешиканад. Ин сарбози маъюбшудаи Қушунҳои сарҳадии Тоҷикистон, баъд аз тақрибан ду моҳи бистарӣ буданаш дар Қарияи Болои Душанбе барои ҷарроҳӣ ва табобат ба бемористони низомии шаҳри Красногорский интиқол ёфт.

Нуъмон Мирзоев, падари Шаҳбол, дар сӯҳбат ба хабарнигори “Озодагон” гуфта буд, мақомот ба ваъдаи худ дар мавриди кумак ба писараш вафо накарда, ба қавли ӯ, беҳуда онҳоро нигоҳ доштаанд: “Агар онҳо ваъдаи хушку холӣ намедоданд, хеле барвақт худам бо фурӯхтани замину хона писарамро барои табобат мебурдам. Чи хеле имрӯз ҳамин корро кардам.”

Мӯҳр

Хабарҳои монанд:

номаълум

Худо шифо дихад бародар.

Ҷавоб диҳед Иқтибос Шикоят

расул

Худованд шифо дихадномаълум,

худованд шифо дихад

Ҷавоб диҳед Иқтибос Шикоят

Cахрои

Намунаи олии ноодамгарии макомот нисбати сарбози камбагали точик, ки хини адои ХИЗМАТ маъюб шуд ва руирост аз хиссиёти бемасъулияти ва якрави ёри нарасониданд ва бечора падари камбагали мардикори Шахбол дар Россия саргардону дастнигар. Бовар кардем, ки шумо давлати кашшок, сум надоред, лекин як сумиву дусумми аз кормандон чамъ кардан мумкин буд ва сарбози маъюбро дар клиникаи Ибни Сино чаррохи мекард ва хочати мусофирату саргардони набуд. То ин дарачара президентро дар чашми халк шуму бемасъулият нишон надихед "мухтарам" макомдорони бемаком!

Ҷавоб диҳед Иқтибос Шикоят

АХМАД

Бародарон хозир асри 21 аст чавонони хозира харруза хама чизро дар интернет мебинанд баъди ин наворхо ки ба хизмати харби рафтан мехохад

Ҷавоб диҳед Иқтибос Шикоят

Эзоҳ илова кунед