22 май 2014 11:39Тоҷикистон / Иҷтимоӣ / Ҷавонон ва варзиш

Ваъдаи "Toyota Camry" ва хонаи сеҳуҷрагӣ ба онҳое, ки...

Абдураҳмон Қодирӣ, раиси вилояти Суғд, дар суҳбат бо ҷавонони ин минтақа ваъда додааст, ба варзишгароне, ки дар Бозиҳои олимпии 2016 медал ба даст меоранд, мошини “Toyota Camry” ва хонаи сеҳуҷрагӣ туҳфа хоҳад кард.

Қодирӣ рӯзи 21 май дар чорабинии махсуси бахшида ба Рӯзи ҷавонон дар варзишгоҳи “20-солагии Истиқлолият”-и вилояти Суғд гуфтааст, ҳар варзишгаре, ки дар ин бозиҳои олимпӣ медали тило ба даст меорад, соҳиби мошини “Toyota Camry” ва хонаи истиқоматии сеҳуҷрагӣ хоҳад шуд. Ба гуфтаи Қодирӣ, барои соҳибони медали нуқра дар ин мусобиқоти ҷаҳонӣ хонаи истиқоматии сеҳуҷрагӣ тақдим шуда, барандаи медали бринҷӣ соҳиби мошини сабукрави “Toyota Camry” мешавад.

Раиси вилояти Суғд дар идома аз нақши варзишгарони номии минтақа дар баланд бардоштани шарафи Тоҷикистон дар арсаи байналмилалӣ ситоиш карда, ҳадаф аз туҳфаҳои гаронарзиши ваъдадодашро ҳавасмандкунии варзишгарон унвон кардааст. Гуфта мешавад, Бозиҳои олимпии 2016 дар шаҳри Рио-де-Женейрои Бразилия баргузор хоҳад шуд.

Дар бозиҳои тобистони олимпии соли 2012, ки дар Лондон гузашта буд, аз миёни 16 варзишгари тоҷик танҳо муштзан Мавзуна Чориева соҳиби медали нуқра гардид. Дар пайи ин пирӯзӣ ба Мавзуна Чориева шаҳрдории Душанбе манзили сеутоқа, шаҳрдории Кӯлоб як манзили панҷҳуҷрагӣ ва Ҳизби наҳзати исломии Тоҷикистон як манзили дуҳуҷрагӣ тӯҳфа намуданд. Инчунин, раисиҷумҳури Тоҷикистон Мавзуна Чориеваро бо ордени "Шараф" ва 200 ҳазор сомонӣ сарфароз гардонд.

Мӯҳр

Хабарҳои монанд:

Уток калимаи турки аст. Илтимос хамин калимаи гушхарошро дигар истифода набаред.

Ҷавоб диҳед Иқтибос Шикоят

коля

хучра гуйтон уртокон

Ҷавоб диҳед Иқтибос Шикоят

tojik

e kand zaned xujandiho-raisoni viloyati xatlonu kulob chi va'da medoda boshand???

Ҷавоб диҳед Иқтибос Шикоят

дилсуз

Ачабо, дар назди худ падару модари Шахболи бечора ба як тин мухточанд, ин раиси вилоят гуе ки намедониста бошад аз холу ахволи ин сарбоз. Ту бисер не, суми хамин як мошини ваъдагиятро ба хамин бечора хайр кун, охир ин варзишгарони мо ба фикрам аз ин хел тухфахоя сер шудаги. Аз ин кори савоб дида бехтар коре нест, азбаски худ имкони чунин кумакро надорам

Ҷавоб диҳед Иқтибос Шикоят

Хирс

Раиси вилояти Сугд ба аскарон аз номи худ зиёфат ваъда медихад аммо ташакилу сарфи маблагашро аз корхонахо чаъм мекунанд.Пули мошинаю хонаи ваъдагиро ки чаъм кард медода бошад!

Ҷавоб диҳед Иқтибос Шикоят

Салмон

Медали нукра не биринчи.

Ҷавоб диҳед Иқтибос Шикоят

Эзоҳ илова кунед