Муҳиддин Кабирӣ: “Қудратҳо, худкомаҳо ва ифротгароён мусалмонҳоро қафо мебаранд"
Ҷаноби Кабирӣ ин ҳарфҳоро ҳангоми суханронияш дар ҳамоиши “Таҳаввулоти олами араб: Роҳ ба куҷост?” изҳор доштааст. Ӯ бо ёдоварӣ аз ҳаводиси ахири ҷаҳони араб илова гуфтааст, баъзеҳоро бовар кунондаанд, ки “зиндагӣ кардан дар як ҷомеаи пешрафтаи озод, доштани каромату шараф ва истифода аз неъматҳои зиндагӣ гӯиё танҳо хоси миллатҳо ва кишварҳои ғайримусалмонист. Гӯиё, мафҳумҳое мисли интихоботи озоду шаффоф, тағйирёбанда ва ҳисоботдиҳанда будани ҳукуматхо ва ҳокимон, баробарии ҳама назди қонун ва адолати судӣ мафҳумҳо ва арзишҳое мебошанд, ки ба фарҳанг, ҷаҳонбинӣ ва боварҳои диниву инсонии мусалмонҳо созгор нест.”
Кабирӣ дар идома афзудааст, мардумро ба ин қаноат расонидаанд, ки фасоди моливу идорӣ, идоракунии шахсӣ ё хонаводагии давлатҳо, фақру камбизоатии мардум, муҳоҷират ва фирор аз кишварҳои худ воқеиятҳои доимӣ ва ҳалнашавандаи зиндагии мусалмонҳо дар гузашта ва оянда хоҳад буд. Ба гуфтаи раиси ҲНИТ, ин ҳолати ноумедӣ ва надидани уфуқҳои беҳтар аксари миллатҳои мусалмониро фаро гирифтааст: “Бузургтарин мушкилии олами Ислом надоштан ва ё надидани уфуқи умедворкунанда ва ноумедии насли ҷавон аст.”
Ба бовари Муҳиддин Кабирӣ, ин ҳолатро се гурӯҳ ба манфиати худ истифода мекунанд: “Аввал, қудратҳои ҷахоние, ки рушд ва пешрафти олами ислом ба нафъашон нест ва мехоҳанд мусалмонҳо ҳамеша ақабмондаву ноумед боқӣ бимонанд. Дуюм диктаторҳо ва ҳукуматҳои худкомаи олами Ислом, ки камтарин озодии сиёсӣ, иқтисодӣ ва фарҳангии шаҳрвандонро таҳдид ба идомаи қудрати шахсии худ медонанд. Сеюм ҳизбу ҳаракатҳо, ҷараёнҳо ва ашхоси ифротгаро, ки пешрафти ҷомеъаҳо, интихоботҳои озоду шаффоф ва озодиҳои бештари мардум заминаи фаъолияти рушди онҳоро аз байн хоҳад бурд.”
Ба гуфтаи раиси ҲНИТ, зоҳиран ин се гурӯҳ мухолифи ҳам мебошанд ва ҳар кадом зарурати вуҷуди худро дар мубориза бо дигар мебинад: “Аммо дар амал ин се гурӯҳи ҳамкор ва шарикони стратегӣ мебошанд, ки бидуни яке вуҷуди дигар имконнопазир мегардад.”
Ба гуфтаи Муҳиддин Кабирӣ, аз беҳтарин кумаки сиёсӣ, иқтисодӣ, низомӣ ва расонаии кишварҳо ва ҳукуматҳо, диктаторҳои олами Ислом бархӯрдор мешаванд, ки шиорашон "тақвияти озодӣ ва демократия дар ҷаҳон" аст: “Дар сурате, ки маҳз ҳукуматҳои худкомаи ғайримардумӣ дар олами Ислом ва пуштибонони хориҷии онҳо, сиёсатҳои ғалати иқтисодӣ, фарҳангӣ ва динӣ, маҳдуд кардани озодиҳову ҳуқуқи мардум боиси пайдоиш ва рушди ифротгароён, террористҳо ва ҷудоихоҳон мегарданд. Аз тарафи дигар, террористҳо ва ифротгароён, ки худ сохтаву бофтаи низомҳои худкома ва пуштибонҳояшон мебошанд.”
Муҳиддин Кабирӣ гуфтааст, дар ин бозии хеле нозук ва хатарноки ин се гурӯҳ қурбонии асосӣ миллатҳо ва арзишҳо гаштаанд ва вақте расидааст, ки ба таври ҷиддӣ раванди "муколама байни худ ва бо ғайри худ" оғоз шавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
