12 июн 2014 18:23Тоҷикистон / Сиёсат

Изҳороти Робин Орд-Смит дар бораи сангпартоӣ ба сафорати Бритониё

Робин Орд-Смит, сафири Бритониё дар Тоҷикистон, 12 июн бо пахши изҳороте ҳодисаи сангпартоии ду рӯзи пеш ба сафорати кишвараш дар кӯчаи Мирзо Турсунзодаро шарҳ додааст. Оқои Смит, ки ҳангоми рух додани ҳодиса дар Хоруғ буд гуфтааст, ҳарчанд сафорату ҳукумати Бритониё тарафдори озодии баён ва эътирозҳои осоиштаанд, вале аз он дар ташвишанд, ки тазоҳургарон талош доштанд, ба сафорат зиён расонанд.

“Ман метавонам тасдиқ кунам, ки дар ин ҳодиса ягон корманди сафорат зарар надидааст ва мо аз мақомоти тоҷик барои он ки эътирозгаронро дар вақташ пароканда кардаанд, миннатдорем”,-омадааст дар изҳороти сафир. Робин Орд-Смит гуфтааст, ин эътироз дар ҳоле баргузор шуда, ки онҳо қаблан дар боарои он ягон номае дарёфт накарда буданд. Бо ин ҳол, ба қавли оқои Смит, сафорати Бритониё ҳамеша барои ҳамкории созанда бо ҷомеаи шаҳрвандӣ омода аст.”

Дар ҳамин ҳол, бино ба итттилои расмӣ, Рамазон Раҳимзода -- вазири умури дохилии Тоҷикистон барои таҳқиқи бетартибӣ дар назди сафорати Бритониё дар Душанбе гуруҳи махсуси корӣ таъсис додааст. Роҳбарии ин гуруҳи кориро генерал-майори милиса Умарзода Икром Ислом, муовини вазири умури дохилӣ, бар дӯш дорад.

Як гуруҳ, ки аксарияташонро занон ташкил медоданд, баъд аз зуҳри 10 июн дар назди бинои сафорати Бритониё дар Душанбе даст ба эътироз заданд. Тавре шоҳидони ҳодиса ба “Озодагон” гуфтанд, эътирозгарон ба сӯи бинои сафорат сангпартоӣ намудаанд. Дар пайи ин мақомоти умури дохилии ноҳияи Исмоилии Сомонии пойтахт эълон карданд, ки даҳ тан аз занони эътирозгарро боздошт намудаанд.

Мӯҳр

Хабарҳои монанд:

амният

Дах тан занони тахозуротгар боздошт шуда, холо дар боздоштгохи хукумати дар Хучанд ''Бахористон'', истирохат доранд.Ногуфта намонад ояндаи наздик боздоштшудагони казияи Тухмпартои ба Кабири низ онхоро хамрохи хоханд кард

Ҷавоб диҳед Иқтибос Шикоят

мардак

щояд ин аввалин шулаи эътирозхо бошад

Ҷавоб диҳед Иқтибос Шикоят

Вайс

ЯК ИЗХОРОТУ ДУ ФИКРИ МУХТАЛИФ...
сафорату ҳукумати Бритониё тарафдори озодии баён ва эътирозҳои осоиштаанд
мо аз мақомоти тоҷик барои он ки эътирозгаронро дар вақташ пароканда кардаанд, миннатдорем

Ҷавоб диҳед Иқтибос Шикоят

lola

ин гурухи занони чанчоли дар дафтари зоиров ва боз митинги зидди абдуллочоновро ташкил карда будаанд.

Ҷавоб диҳед Иқтибос Шикоят

gurdofarid

хаххаа "занони эътирозгар боздошт ва мукофотонида шуда, барои накшахои оянда омода шаванд, барои ичрои ин тазохурот барои тахкики бетартиби дар назди хамаи сафоратхо дастгиркунандагон ба ин тазохургарон сипосгузоранд....

Ҷавоб диҳед Иқтибос Шикоят

мир

Вайс,-сафорату ҳукумати Бритониё тарафдори озодии баён ва эътирозҳои осоиштаанд мегуяд ин сафири шайтонбашара, аммо барои чи ки эътирозгаронро дар вақташ пароканда кардаанду ва у боз миннатдор будааст аз он ки эътирозгаронро дар вақташ пароканда кардаанду нагузоштаанд токи онхо фикрашонро озодона баён кунанд. Инро чихел фахмем?

Ҷавоб диҳед Иқтибос Шикоят

Эзоҳ илова кунед