Алим мегӯяд, “пешниҳод карданд, Тоҷикистонро тарк намоям, вагарна...”
Алим Шерзамонов, раҳбари Ҳизби сотсиал-демократи Тоҷикистон дар Бадахшон ва узви кумисюни муштарак барои таҳқиқи ҳодисаи тирпаронии 21 май дар Хоруғ, мегӯяд, ба ӯ фишор овардаанд, то кишварро тарк намояд, агар не, бар муқобили ӯ парвандаи ҷиноӣ боз мешавад. Ба қавли ӯ, ин фишорҳо гӯиё баъд аз боздошти Александр Содиқов, пажӯҳишгари Донишгоҳи Торонто, ки мақомот дар ҷосусӣ муттаҳамаш мекунанд, афзоиш ёфтааст.
“Ба ман гуфтанд, агар аз инҷо наравам, обрӯямро мерезонанд. Ҳеч зиддияте надорам. Дар кадом асос нисбат ба ман парвандаи ҷиноӣ ҳаст, намедонам”,-гуфт Алим Шерзамонов дар тамоси телефонӣ.
Мусоҳиби мо илова кард, баъзе “намоядагон”-и мақомот аз ӯ хостаанд, ба Маскав биравад ва дар он ҷо барояш тамоми шароитро муҳайё хоҳанд сохт. Дар ҳоле ки ба гуфтаи Шерзамонов, “ҳеч намефаҳмам, ки чӣ халал мерасонда бошам. Ман як инсони муътадилам”. Вале мақомоти кишвар расман ироаи чунин як пешниҳод ба Шерзамоновро тасдиқ накарданд.
Маврид ба зикр аст, ки мақомоти интизомии Тоҷикистон Александр Содиқовро рӯзи 16 июн, ҳангоми суҳбаташ бо Алим Шерзамонов боздошт карданд. Алим дар оғоз гуфта буд, мақомот мехостанд, ӯро ҳам бигиранд, вале дар пайи пофишории тарафдоронаш раҳо намудаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |