"Эксетер" умед дорад, Александр... ба Канада меравад
Раҳбарияти Донишгоҳи Эксетери Канада аз озод шудани Александр Содиқов, пажуҳишгари тоҷик, истиқбол кардаанд.
“Мо озод шудани Александр Содиқов, пажӯҳишгари қарордодии донишгоҳи Эксетер, аз боздоштгоҳ дар Тоҷикистонро истиқбол мекунем. Мо интизор дорем, ин қазия ба таври расмӣ хулоса шуда, бо баргаштани Александр Содиқов ба Канада анҷом меёбад”,-навиштааст торнамои расмии Эксетер.
Пажӯҳишгари тоҷик, Александр Содиқов дар Тоҷикистон дар мавзӯи “Афзоиши қудратҳо ва ҳалли низоъҳо дар Осиёи Миёна” пажӯҳиш анҷом медод, ки аз ҷониби Шӯрои пажӯҳиши иқтисодӣ ва иҷтимоии Бритониё пуштибонии молӣ мешавад. Ӯ рӯзи 16 июни соли ҷорӣ, баъд аз як моҳи тирпаронӣ, эътирози сокинон ва оташ задани бинои додситониву Раёсати умури дохилӣ дар Хоруғ боздошт шуд. Мақомоти амнияти кишвар гуфтанд, Содиқовро ҳангоми гуфтугӯ бо АЛим Шерзамонов, раиси дафтари Ҳизби мухолифи сотсиал-демократи Тоҷикистон дар Бадахшон дарёфтаанд ва ӯро ба ҷосусӣ ба нафъи кишвари хориҷӣ муттаҳам карданд.
Александ Содиқов аввал дар Хоруғ нигоҳдорӣ мешуд. Баъдан ба боздоштгоҳи муваққати Кумитаи амнияти миллӣ дар Душанбе интиқол ёфта, то лаҳзаи озодияш дар он ҷо буд. Мақомот гуфтанд, шарти аслии озодии Содиқов ин аст, ки ӯ аз маҳалли иқоматаш берун рафта наметавонад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |