Тақозои берун кашидани нерӯҳои иловагӣ аз шаҳри Хоруғ
Вакилони Маҷлиси Хоруғ, маркази вилояти Бадахшон, бо пахши муроҷиатномае аз мақомот хостаанд, нерӯҳои иловагии сохторҳои интизомӣ ва қудратиро аз қаламрави ин шаҳр берун кашанд.
“Бо ҳадафи ҷилавгирӣ аз ҳаргуна нооромӣ ва таъмини амният дар Хоруғ бояд нерӯҳои иловагии мақомоти интизомию қудратӣ аз шаҳр берун кашида шаванд. Инчунин, гаштугузор бо либоси низомӣ ва аслиҳа дар дохили шаҳр билкул манъ карда шавад”,-гуфта шудааст дар муроҷиатнома.
Ба иттилои як манбаи “Озодагон”, намояндагони маҷлиси шаҳри Хоруғ тасмими ихроҷи нерӯҳои изофиро бо дархости намояндаҳои ҷомеаи шаҳрвандии Хоруғ гирифтаанд. Фароҳам кардани шароит барои мулоқоти намояндаҳои ҷомеаи шаҳрвандӣ бо президент Эмомалӣ Раҳмон аз дигар дархости онҳо буда, инчунин тақозо шудааст, барои назорати таҳқиқи марги ду сокини ҷавони Хоруғ як кумисюн ташкил ва мардум аз натиҷаи он огоҳ карда шаванд. Аммо то кунун мақомоти расмӣ ин хабарро тасдиқ накардаанд.
Нерӯҳои изофӣ баъд аз нооромиҳо дар охирҳои моҳи майи соли равон ба маркази Бадахшон фиристода шуданд. Дар ҳамин ҳол, шаби 4 ба 5 август дар маҳаллаи Ниводаки шаҳри Хоруғ ҷасади ду ҷавон ёфт шуд, ки бо истифода аз силоҳи оташфишон кушта шуданд. Ба дунбол, Алим Шерзамонов, раиси Ҳизби сотсиал-демократи Тоҷикистон дар Бадахшон гуфт, 4 август чархболҳои ҳарбӣ озими Хоруғ шуда, аз дигар минтақаҳо ҳам ба Хоруғ ОМОН омадааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |