08 авг 2014 16:52Тоҷикистон / Иҷтимоӣ

Шикояти Қамари Аҳрор аз болои Зафар Суфиев ба додситонӣ

Қамари Аҳрор - хабарнигори Оҷонси иттилотии “Тоҷнюз” ва нашрияи “Нигоҳ” дар вилояти Суғд аз болои Зафар Суфиев - муовини сардори Шуъбаи умури дохилии шаҳри Хуҷанд ба додситонии ин минтақа шикоят бурдааст. Ин хабарнигор дар аризаи шикоятии худ ба унвони Қурбон Мирзозода – додситони шаҳри Хуҷанд гуфтааст, кормандони пулис, аз ҷумла Зафар Суфиев - муовини сардори Шуъбаи умури дохилии шаҳри Хуҷанд ҳангоми иҷрои фаъолияти касбияш ба ӯ монеа эҷод карда, ҳуқуқашро поймол кардаанд.

Қамари Аҳрор шоми 6 августи соли ҷорӣ аз сӯи маъмурони пулиси шаҳри Хуҷанд боздошт шуда, баъд аз навиштани як баёнот баъд аз се соат озод гардид. Аҳрор он замон дар суҳбат ба “Озодагон” гуфта буд, ӯ дар ҳоле боздошт гардид, ки ҷараёни мусобиқаи байналмилалии бокс барои дарёфти ҷоизаи ба номи қаҳрамони Иттиҳоди Шӯравӣ -- Исмоил Ҳамзаалиев дар Хуҷандро наворбардорӣ мекард.

Ӯ мегӯяд, “баъд аз он ки кормандони пулис аз ман ду бор талаб карданд, то рафти мусобиқаро ба навор нагирам, ба онҳо фаҳмонидам, ки хабарнигораму ин касби ман аст, вале яке аз онҳо гуфт, ин гапро бояд ба раҳбарашон - Суфиев Зафар фаҳмонам, вале баъди иҷрои ин дархости онҳо, Суфиев бо як лаҳни дағалона ба ман гуфт, “аксу навори Шумо ба ҳеч кас лозим нест!” Ман фаҳмонидам, ки қатъи назар аз он ки ба касе даркор набошад ин вазифаи ман аст, дар ҷавоб ӯ гуфт, “баро, дафъ шав!” ва ман набаромадам. Зеро вазифаи касбиямро иҷро мекардам. Дар натиҷа, бо амри Суфиев ба Шуъбаи корҳои дохилӣ бурданду баъд аз тартиби протоколи маъмурӣ ва баёнот гирифтан, яъне баъди гузаштани тахминан 2-3 соат маро ҷавоб доданд.”

Қамари Аҳрор, яке аз хабарнигорони фаъол дар минтақаи шимоли Тоҷикистон аст, ки дар гузашта дар Радиои Озодӣ, Радиои Имрӯз ва нашрияи “Фараж” ҳам кор кардааст. Тайи як соли охир ӯ ба ҳайси хабарнигори Оҷонси иттилоотии Тоҷнюз ва ҳафтаномаи Нигоҳ дар Хуҷанд кор мекунад. Ӯ дар номаи худ ба додситонии маркази Суғд гуфтааст, амалкарди маъмурони пулис нисбат ба ӯро таҳқиқ карда, ҳақро ба ҳақдор бирасонад.

Мӯҳр

Хабарҳои монанд:

Машъал

Демократия дар чомеаи мо рушд карда истодааст. Хаку хукукхои шахрвандии Камари Ахрор бояд химоя карда шавад, то ки ба дигарон сабак шавад.

Ҷавоб диҳед Иқтибос Шикоят

Беном

Эй ту медони ки дар вакти бокс навор гирифтан мумкин нест.
Фаркнадорад, ки ту чикора хасти ин гапота рафта ба об гу

Ҷавоб диҳед Иқтибос Шикоят

iskandarshoh

Гунчишк бача падараша чиг чиг ёд медихад ! Ин бародар барои ичрои вазифааш хам диплом ва хам ичозатнома дорад ! Фарк надорад , бокс , фудбол ё консерт бошад ! Алал хусус ин чомеа чомеаи демократист хеч як шахс хукуки поймоли хукуки шахси дигарро надорад !!!

Ҷавоб диҳед Иқтибос Шикоят

sator

Дар кучо гуфта шудааст,ки наворбардории бокс мумкин набудааст?Хамин кадар мусобикахои чахониро наворбардори мумкин будаасту дар Хучанд мумкин набудааст.Е савод надори,е акл надори мисли сардорат.

Ҷавоб диҳед Иқтибос Шикоят

Эзоҳ илова кунед