Номаи як гуруҳ аз ҷавонони тоҷик ба ҳимоят аз мардуми Фаластин
Онҳо дар ин номаашон меҳру муҳаббати шаҳрвандони Тоҷикистон ба мардуми Фаластин, аз ҷумла ба сокинони Ғаззаро баён намуда, таъкид кардаанд, ки ҳарчанд амалан дар бари эшон қарор надоранд, вале ҳамеша дар дуои худ аз онҳо ном мегиранд. Дар ин номаи гуруҳи ҷавонони фаъоли ҷомеаи шаҳрвандии тоҷик ба мардуми Фаластин, ки дар торнамои расмии раиси Иттиҳоди уламои исломии ҷаҳон – Юсуф Қарзовӣ низ бо забони арабӣ нашр гардид, аз ҷумла омадааст, “сокинони Тоҷикистон ҳамеша дар мусибати Шумо шарик буда, ҳар зулму истибдоде, ки болоятон раво дида мешавад, аз он ранҷ мебаранд. Аз рӯзҳои аввали ҳамлаҳои хунину ваҳшиёнаи нерӯҳои Исроил ба навори Ғазза мардуми Тоҷикистон худро бетараф нагирифта, ба даргоҳи Худованди бахшандаву меҳрубон алайҳи душманонатон, ки онҳоро душмани худ низ медонанд, дуо мекунанд”.
Ин гуруҳи ҷавонони кишвар дар идома изҳор доштаанд, мардуми Фаластин, аз ҷумла сокинони навори Ғазза бо ин муборизаву истодагарии худ алайҳи нерӯҳои Исроил обрӯ ва мақоми миллати Исломро дар ҷаҳон боло бардоштанд.
Ин номаи бози корбарони гуруҳи “Тарбияи имонӣ” дар ҳолест, ки онҳо қаблан низ бо навиштани чунин нома аз раҳбарияти Шӯрои уламои Маркази исломии Тоҷикистон ва Кумита оид ба корҳои дин, танзими анъана ва ҷашну маросимҳои миллии кишвар хоста буданд, дар эътироз ба ҳамлаҳои нерӯҳои Исроил ба навори Ғаззаи Фаластин садо баланд кунанд.
Дар номаи ин корбарони тоҷик ба унвони Сайидмукаррам Абдулқодирзода, раиси Шӯрои уламои Маркази исломӣ ва Абдураҳим Холиқзода, раиси Кумитаи дин аз ҷумла омада буд, “тақрибан тайи ду ҳафтаи ахир мардуми солҳо азияткашидаи Фаластин дар навори Ғазза аз тарафи режими ишғолгари Изроил мавриди ҳуҷум қарор гирифтаанд. Даҳҳо тифлакони маъсум, занони бечора ва пирамардону мардуми осоишта дар натиҷаи ин ҳуҷуми мусаллаҳонаи бераҳмона ҷони худро аз даст додаанд. Ғайр аз ин садҳо, бал ҳазорҳо нафар аз ин тӯпу туфанг захм бардошта, маҷрӯҳ гаштаанд. Ин амалиёти ваҳшиёна мардуми озоду огоҳу бедори мардуми ҷаҳонро ба пой хезонд ва дар аксар кишварҳо барои пуштибонӣ аз ин мардуми азиятдида барои тазоҳурот ба хиёбон рехтаанд.”
Дар акс: Абдуллоҳ Оқилзода, яке аз муаллифони нома ба мардуми Фаластин Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
