06 дек 2014 10:21Оcиёи Марказӣ / Тоҷикистон
Муҳоҷирони “Роғун”: Дар сармо моро аз хонаҳоямон ронда истодаанд! (ВИДЕО)
Маҳмадӣ Кабутов, сокини деҳаи Чорсадаи ноҳияи Нуробод мегӯяд, раҳбарияти ноҳия қариб ҳар рӯз омада оилаашонро маҷбур дорад, ки ҳар чӣ зудтар ба ҷои нав кӯч банданд: “Аммо хонаҳои навсохт ҳанӯз омода нестанд. Дару тиреза надоранд. Мо аз ҳукумати Тоҷикистон хоҳиш дорем, ки ҳадди ақал то баҳор муҳлат диҳанд, чун хонаҳои нав барои зиндагӣ дар фасли зимистон омода нестанд.”
Кабутов афзуд, ки “дар як оилаи калон шаш хоҷаги зиндагӣ мекардем, маблағи ҷудокардаашон барои сохтмони шаш хоҷагӣ 260 ҳазор сомонӣ буд, ки ин барои сохтмони манзил ба шаш хоҷагӣ хеле ночиз аст. Хонаҳоро танҳо пӯшонидем вале таъмир нодидааст. Аз ҳукумат хоҳиш мекунем, ки барои таъмири хонаҳо ба мо ё маблағ ва ё масолеҳи сохтмонӣ кӯмак кунад.”
Ба гуфтаи ин сокини Нуробод дар минтақае, ки онҳоро ҷой кардаанд на ҷойи гаштугузори кӯдакон ҳасту на обу барқ: “Аммо то ҳол ягон масъул ҷои навамонро хабар нагирифтааст. На аз ноҳияи Нуробод ва на аз ҳукумат аз ҳоли мо хабар нагирифтаанд, ки дар чӣ шароит зиндагӣ дорем”.
Забеҳулло Эшонов, сардори умури муҳоҷирати ноҳияи Нуробод ҷой доштани мушкилоти обу барқро таъйид карда, афзуд, “масъули об, ки худ аз деҳаи Чорсада мебошад ба кӯчондани хонаводааш машғул буд ва бо ҳамин сабаб ҳамагӣ 10 ё 15 рӯз об нашудааст, мушкили барқ бошад ба наздикӣ ҳали худро меёбад.”
Аммо Саъдӣ Кабутов, як муҳоҷиршудаи дигар мегӯяд аз 30 сентябр ин ҷониб оби нушокӣ қатъ шудааст ва онҳо оби нӯшокиро аз ҳамсояашон, ки алоҳида аз дигар ҷой об кашидааст мегиранд: “Он ҳам тавассути барқ дастрас мешавад. Барқро бошад дар як шабонарӯз ҳамагӣ чор соат медиҳанд.”
Дар ҳамин шароит ин нафар низ муҳоҷират дар фасли зимистонро номумкин хонд: “Барои зимистонгузаронӣ умуман захираи сузишворӣ надорем. Масъулини дирексияи Роғун ҳафтаи гузашта дар маҷлис қайд карданд, ки мушкили барқро ҳал мекунем. Агар ин мушкил ҳал шавад аз плиткаҳои барқӣ истифода мекунем ва агар на ангишт бо нархи арзон ёфтем, мехарем”.
Сокини дигари деҳаи Чорсада, Суҳбатулло низ аз он мегӯяд, ки хонаҳои наваш барои зимистонгузаронӣ омода нестанд ва аз масъулин хост, ҳадди ақал то фасли баҳор муҳлат диҳанд: “Мо дар он ҷо истоданӣ нестем, аммо шароити моро ҳам бояд бифаҳманд, ақалан то баҳор бароямон муҳлат ва қарзҳои имтиёзнок диҳанд хонаҳоро обод карда мекӯчем”.
Аммо Зебеҳулло Эшонов, сардори бахши муҳоҷирати ноҳияи Нуробод таъхири муҳоҷирати оилаҳоро аз Чорсада ғайриимкон хонд, зеро ба гуфтаи ӯ аз 148 хоҷагии ин маҳалла алакай 132 тоашон муҳоҷир шудаанд, мактабу бунгоҳи тиббӣ кор намекунанд ва агар кӯч набанданд, фарзандони онҳо дур аз таълим мемонанд.
Деҳаи Чорсадаи ноҳияи Нуробод дар қатори чанд деҳаи дигар бо сабаби дар минтақаи зериобии Роғун ҷой доштанашон бо қарори Ҳукумати Ҷумҳурии Тоҷикистон аз 20 январи 2009, №47 «Дар бораи аз минтақаи зериобмонии Нерўгоҳи барқи обии Роғун кўчонидани аҳолии шаҳри Роғун ва ноҳияи Нуробод» ба мавзеи Теппаи Самарқандӣ муҳоҷир карда шудаанд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
