07 янв 2015 15:38Тоҷикистон / Тема дня

“Занҷонӣ барои санади қалбакии Бонки Миллӣ 3 млн $ пора додааст”

Мақомоти тафтишотии Эрон иддао доранд, Бобак Занҷонӣ, миллиардери боздоштшудаи ин кишвар барои гирифтани санади қалбакӣ ба масъули воломақоми Бонки миллии Тоҷикистон се миллион доллар ришва додааст.

Амир Аббос Султонӣ, узви Кумитаи тафтишот ва таҳқиқи қарзҳои Бобак Занҷонӣ дар суҳбат бо хабаргузории “НомаНюз” гуфтааст, тоҷири боздоштшудаи эронӣ ин маблағро ба ноиби раиси Бонки миллии Тоҷикистон додааст, аммо мушаххасан аз порагир ном набурдааст.

Султонӣ мегӯяд, Бобак Занҷонӣ ҳангоми барои аввалин бор эҳзор шуданаш дар Маҷлиси Эрон санадеро аз номи Бонки миллии Тоҷикистон пешниҳод карда, иддао намудааст, тавассути ин бонк пули нафтро ба Бонки марказии Эрон интиқол додааст: “Занҷонӣ санадеро пешниҳод кард, гӯиё қоиммақоми Бонки миллии Тоҷикистон таъйид кардааст, ки ӯ пули нафтро ба Бонки марказии кишвар интиқол додааст. Аммо Бонки марказӣ дар ин бора вокуниши расмӣ нишон надод, то ин ки бо баррасӣ мо намояндагони Маҷлис мутаваҷҷеҳ шудем, Занҷонӣ се миллион доллар ба қоимақоми Бонки миллии Тоҷикистон ришва додааст, то ин санадро қалбакӣ кунад ва ӯ ҳам бо ин санади сохта ба Маҷлис омада даъво кунад, ки пули нафтро додааст.”

Дар Бонки Миллии Тоҷикистон ба “Озодагон” гуфтанд аз ин қазия хабаре надоранд ва дар пайи омӯзиш эҳтимол мавқеи Бонки миллиро баён хоҳанд кард.

Бобак Занҷонӣ, ки аз ӯ “дӯст”-и бархе аз мақомдорони тоҷик низ ном бурда мешавад, 30 декабри соли 2013 дар Эрон боздошт ва баъдан ба зиндони Эвини ин кишвар интиқол ёфт. Мақомоти Эрон эълон карданд, Занҷонӣ барои "гум шудан"-и 2 миллиарду 60 миллион евро пули марбут ба Вазорати нафт, ки шахси воқеӣ набояд онро дар ҳисоби худ дошта бошад ва аз он барои сармоягузорӣ истифода кунад, муттаҳам мешавад.

Миллиардери эронӣ он замон гуфт, ин миқдор маблағро тавассути Бонки миллли Тоҷикистон ба кишвараш интиқол дода, санад ҳам дорад. Аммо вакилони парлумони Эрон ин санадро ҷаълӣ ё қалбакӣ хонда буданд ва Абдуҷаббор Ширинов, раиси Бонки Миллии Тоҷикистон низ интиқоли 2 миллиарду 60 миллион евро пули нафти Эрон аз Душанбе ба Теҳронро дурӯғ хонда, гуфт, санаде, ки дар мавриди интиқоли маблағ аз ҷониби Бобак Занҷонӣ ба Эрон пешниҳод шудааст, дастрас намудаанд ва ин санад қалбакист. Ба гуфтаи Ширинов, дар санади мазкур мӯҳри Бонки Миллӣ вуҷуд надорад ва дар ин маврид бо муовини раиси Бонки Марказии Эрон низ гуфтушунид доштаанд, ки онҳо низ қонеъ шудаанд: “Ман ин сандаро дидам, ин санад дар мо аст, танҳо як коғаз аст. Маълумоти свифт гуфтанӣ чиз аст, ки дар рӯи коғаз чоп мешавад.”

Мӯҳр

Хабарҳои монанд:

Орзу

Албатта, дар зиндон, ки бошад аз талхии чонаш сафсата мегуяд. Аз тарси чонша номи ягон Иронира намегира. Дар танхои бе иштироки ягон воломакоми Ирони ин кадар маблаги калонро шустанаш, аз тарафи Занчони бисёр шубхаовар аст.

Ҷавоб диҳед Иқтибос Шикоят

Tojik

Агар 3 миллионро чонишин гирифта бошад хам бо раис таксим шудаги бояд бошад.

Ҷавоб диҳед Иқтибос Шикоят

бе ном

То шамол нашавад барги дарахт намечунбад, надода бошад хеч вакт намегуфт, ки додам, санадро ки дар дасташ дошта бошад, хакикат аст.

Ҷавоб диҳед Иқтибос Шикоят

Форс

Озодагон нав ай хов хесте? ин хабар 10 руз зиёд шуд интишор шуданша чи ика дер хабар метие? Мард боше чоп куне!Орзу,
Орзу,
Орзу,

Ҷавоб диҳед Иқтибос Шикоят

Эроншинос

Қоиммақомро дар мо муовини якум мегӯнд.
Муовини якум Юсуфиён Ҷамшед будастиян, аз ҳамон кас напурсидетон, Озодагон?