Фатвои Эшони Нуриддин дар пайи баҳси ҷонибдорон ва мухолифони Ақиқа
Ин нуктаро руҳонии тоҷик дар посух ба корбари торнамои хонаводагии бародарон Тураҷонзодаҳо, ки “агар имконияти “ақиқа” кардан набошад, чӣ бояд кард?” баён доштааст. Эшони Нуриддин гуфтааст, ҳар нафаре имконияти кардани ақиқаро надошта бошад, барои ӯ иҷрои он лозим нест: “Вале агар рафту шароит хуб шуд, ақиқа кунед, асли суннат ба ҷо меояд.”
Ба гуфтаи ӯ, ҳарчанд ақиқа яке аз суннатҳои паёмбари Ислом (с) аст, вале бо тарк кардани он шахс гунаҳкор намешавад: “Аслан ақиқа суннат аст, ҳар кӣ анҷом диҳад савоб мегирад ва агар тарк кунад гунаҳгор намешавад.”
Ақиқа яке аз суннатҳои Муҳаммад (с) - паёмбари Ислом ба шумор рафта, бар асоси гуфтаҳои саҳобагон, ҳар тифле дар хонадони ӯ таваллуд мешуд, барои писар ду гусфанд ва барои духтар як гусфанд мекуштанд.
Иҷрои ин суннати паёмбари Ислом вақтҳои охир баҳсеро дар ҷомеаи мазҳабии Тоҷикистон ба бор овардааст ва бархеҳо аз он ҳамчун омили дигаре барои зиёфатхурӣ ном мебаранд. Аммо масъулини Шӯрои уламои Маркази исломии Тоҷикистон мегӯянд, он яке аз расму ойини исломӣ мебошад. Беҳрӯзи Сатторӣ, мутахассиси раёсати фатвои Шӯрои уламои Маркази исломи кишвар гуфтааст, ақиқ ба монанди гирифтани мӯйи кӯдаку хатнасур кардани писар яке аз ҳуқуқҳои фарзанд болои волидайни хеш аст. Ӯ таъкид кардааст, “ақиқа мустаҳаб аст ва мустаҳаб, яъне кори писандидаро гӯянд. Агар касе инро анҷом надод, ҳеҷ гуноҳе намегирад. Ақиқаро аз қадимулайём дар сатҳи оилавӣ баргузор мекарданд. Дар рӯзи 7-уми пас аз таваллуд ё рӯзи 14 ва ё рӯзи 21-ум баргузор мекунанд. Агар касе ҳам баргузор накард, ҳеҷ гуноҳеро муртакиб намешавад.”
Дар пайи ин баҳсҳо Абдуалии Муҳаммадӣ, руҳонии тоҷик ва писари домулло Муҳаммадии Қумсангирӣ низ ба ин масъала дахл карда, гуфт, Муҳаммад (с) дар яке аз ҳадисҳои худ, ки аз сӯи Имом Тирмиз (р) ривоят шудааст, мегӯяд: "Тифле, ки таваллуд мешавад дар гарави ақиқаи хеш аст". Ба гуфтаи ӯ, манзури Паёмбар (с) аз ин гуфтаҳо ин аст, ки саломатӣ ва рушди кӯдак дар гарави ақиқаи ӯст.
Руҳонии тоҷик аз фаромуш шудани ин суннати Муҳаммад (с) дар ҷомеаи имрӯзаи тоҷикон ибрози нигаронӣ карда, ибрози таассуф намуд, ки мардуми тоҷик ҳоло суннати Памёбарро канор гузошта, ҷои онро ба гаҳворабандону ҷашни зодрӯз додаанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
