Нефрология
Нефрология илм дар бораи ташхис ва табобати доруӣ ва диализии бемориҳои гурда буда, ҳамчунин назорати гурдаҳои пайвандзадаро таҳти назорат қарор медиҳад.
Нефрология як бахши навзуҳури илми тиб буда, аз пайдоишаш ҳанӯз сад сол нагузаштааст.
Илмест,ки сабаби пайдоиши беморихо ва норасоиҳои гурдаро меомӯзад. Дар ин бора урологи Бемористони Ибни Сино доктор Мубин Аминов маълумоти бештар медиҳад:
Пеш аз ҳама гломерулонефритҳо (харобшавии бофтаҳои гурдаҳо),амилоидози гурда (ҷамъшавии амилоид дар бофтаҳои гурда),синдроми нефротикӣ ва нефропатия мавриди омӯзиши ин соҳа мебошанд.
Бисёр бемориҳое,ки ба гурда осеб меоранд, танҳо мансуби ин узв нестанд ва нишоне аз гирифторӣ дар бадан аст. Ҳоло дақиқ шудааст, ки бемориҳои музмини гурда боиси рушди бемориҳои дилу рагҳои хунгард мешаванд. Бемориҳои нефрологӣ - ба монанди норасоии ҳоди кори гурдаҳо (ОПН) ва норасоии музмини кори гурдаҳо (ХПН) ба сурати авориз буда, махсуси уфунатҳо, заҳролудшавӣ аз доруҳое, ки ба гурда таъсири манфӣ мерасонанд, бемориҳои эндокринӣ (диабети қанд), ревматологӣ, гематологӣ, остеоартроз ва остеопарозанд.
Аз нуктаи назари этиологӣ беморҳои нефрологӣ бемориҳои систематикӣ буда, аз ин лиҳоз онҳоро аз бемориҳои эндокринӣ, неврологӣ ва ревматологӣ фарқ бояд намуд. Барои ташхиси онҳо мисли дигар бахшҳои тиб донистани таърихи беморӣ ва таҳлили озмоишот зарур аст. Озмоишҳои лабараторӣ ба мисли мочевина, креатинин,сатҳи Са ва ph, PH-и пешоб муайянкунандаи ҷой доштан ё надоштани бемориҳои нефрологӣ мебошад.Ҷамъоварии пешоби 24-соата ва таҳлили он маълумоти бо арзише дар бораи фаъолияти гурдаҳо медиҳад.
Ҳамчунин ҷой доштани сафедаи аз меъёр зиёд дар пешоб гувоҳи вуҷуд доштани бемориҳои гурда мебошад.
Беморон аз рӯи ҷой доштани нишонаҳои зерин, фавран бояд ба нефролог муроҷиат намоянд:
1.Норасоии ҳоди кори гурдаҳо (ОПН)-ба таври ногаҳонӣ қатъ гардидани кори гурдаҳо,
2.Норасоии музмини кори гурдаҳо (ХПН) ин тадриҷан пастшавии фаъолияти гурдаҳо,
3.Гломерулонефрит.
4.Пиелонефрит.
5.Уфунати маҷрои пешоб.
6. Гематурия (пешоби хунолуд)
7. Сангҳои гурдаҳо.
Дар ин сурат танҳо нефролог метавонад дарди Шуморо дақиқ омӯзад ва табобати лозимаро тавсия кунад. Барои мисол як бемории гломерулонефрит 9-10-намуд дорад ва ҳар намудаш табобати махсусро тақозо мекунад, ки танҳо пас аз биопсияи гурда намуди он мушаххас мешавад.
Барои он,ки бемор ташхисашро мукаммал созад,дар сурати зарурат бояд:
1.Биопсияи гурда-барои таҳлили бофтаи гурда намояд.
2.Ангиография анҷом диҳад- агар шубҳа ба нуқсони раги хунгарди гурда бошад.
Дар охир гуфтанӣ ҳастам, ки ҳама он шароите,ки дар боло зикр шуд, дар Бемористони Ибни Сино мавҷуд аст ва беморону хоҳишмандон метавонанд, ин ҷо муроҷиат намоянд ва ташхисашонро мукаммал созанду табобат бо стандарҳои байналмилалиро, дар кишвари худ қабул намоянд!
Бо таваҷҷуҳ ба вазъи иҷтимоию иқтисодии мардуми кишварамон, дар назди бемористон ташкилоти «Суғуртаи миллӣ» ташкил шудааст, ки ниёзмандон бо пайвастан ба он, зимни ташхису табобат аз имтиёзҳои зиёд дар амри пардохти ҳаққи хидматҳои тиббӣ бархурдор мешаванд. То 80% хароҷоти шуморо ин ташкилоти навтаъсису аллакай муваффақ пардохт мекунад!
Маълумоти бештар дар сомонаҳои мо: www. ibnisino.tj ва www.sugurta.tj
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |