Юсуфиён: Маро ба додситонӣ ҳамчун мутахассис ва машваратчӣ даъват карданд
Ҷамшед Юсуфиён, ки бо фармони раисиҷумҳури Тоҷикистон, рӯзи 4 май аз мақоми муовини аввали раиси Бонки миллӣ барканор шуд, 5 май ба Додситонии кулли кишвар даъват шудааст.
Ҷамшед Юсуфиён даъват ба додситониро тасдиқ карда, аммо хабари ифтитоҳи парвандаро алайҳи худ рад намудааст. Собиқ муовини аввали Бонки миллӣ дар шарҳи даъваташ ба додситонӣ ба “ИмрӯзNews” гуфтааст, “не, зидди ман парванда боз нашудааст. Ман аз ин хабар надорам, аммо баъзе корҳо буданд, ки рӯзи 5 май маро ҳамчун мутахассис ва машваратчӣ даъват карданд ва ман рафтам”. Ӯ аз ифшои ҷузъиёти суҳбат худдорӣ намудааст.
Ин дар ҳолест, ки ахиран Эмомалӣ Раҳмон, раисиҷумҳури Тоҷикистон тамоми роҳбарони Бонки миллиро аз мақом барканор кард.
Дар ҷаласаи Шӯрои амният, моҳи феврали соли равон раисиҷумҳур аз фаъолияти Бонки Миллӣ ва раҳбарияти он ба шиддат танқид намуда, гуфта буд, ки ҳар тавре хостаанд, маблағи ин ниҳодро истифода кардаанд: “Вақте Палатаи ҳисоб фаъолияти Бонки миллиро санҷиш гузаронид, бонк ягон ҳисобу китоби хоҷагидорӣ надорад. Чи хеле хостанд, амал карданд. Бархе аз муовинҳо миллион барои қарзи чизе гуфта гирифтаанд. Бигир хона хар, хона харидааст. Мошин 100 ҳазор аст, 150 ҳазор ба қайд гирифтаанд. Ҳар сол бояд тафтиш шавад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |