“Ҷаҳони андеша” ин бор “Тақдиргароӣ ва паёмадҳои иҷтимоии он”-ро баҳс мекунад
Масъулини маҳфили “Ҷаҳони андеша”-и файласуфи тоҷик Комил Бекзода мегӯянд, дар маҳфили навбатӣ “Тақдиргароӣ ва паёмадҳои иҷтимоии он”-ро ба баҳс хоҳанд кашид.
Гузоришгари аслии ин мавзӯъ Исомиддин Шарифзода, корманди илмии Маркази омӯзиши равандҳои муосир ва оянданигари илми Академияи илмҳо гуфта мешавад.
Маҳфил соати 14:00-и рӯзи 12 июн дар толори Академияи илмҳо ба кори худ оғоз мекунад.
Аъзои маҳфили “Ҷаҳони андеша” соли 2013 китоберо бо номи “Ҷаҳонбинии оянда” дар нашриёти “Кайҳон” ба табъ расонданд, ки аз чиҳил саҳифа иборат буда, як боби он дар мавриди вуҷуди Худо баҳс мекунад. Ин мавзӯъ танҳо баъд аз тақрибан як соли нашри ин китобча бо вокунишҳои тунди бисёре аз сокинон ва руҳониён қарор гирифт. Комил Бекзода, Нозим Нурзода, Ҳафиз Бобоёров (Холиқзода), Ёрмаҳмад Ниёзӣ, Шодибой Атоӣ, Нуриддин Шаҳобиддин, Номвар Қурбон ва Файзи Олӣ узви маҳфили “Ҷаҳони андеша” мебошанд.
Комил Бекзода, ходими Пажуҳишгоҳи фалсафа, сиёсат ва ҳуқуқи Академияи илмҳои Тоҷикистон, баҳори соли 2014 дар суҳбат бо “Озодагон” гуфт, ҳадаф аз таълифи “Ҷаҳонбинии оянда”, ки бо вокунишҳои тунд рӯбарӯ шуда, ҳатто худи ӯ мавриди танқид қарор гирифтааст, зинда кардани кадом як баҳс дар ҷомеа набуда, балки он як мақолаи ҳисоботӣ дар шакли протокол мебошад: “Вақте мо маҳфили “Ҷаҳони андеша”-ро ташкил кардем, баъдан баъзеҳо гуфтанд, ин маҳфил нест, чойхонаи Бекзода мебошад. Мо тасмим гирифтем, барои барҳам задани ин нофаҳмиҳо дар шакли хулоса мақолаеро ба нашр расонда, ҷомеаро огоҳ кунем, ки дар муддати ин 20 сол мо чӣ кор кардем”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |