Ҳалокати 4 нафар бар асари садамаи нақлиётӣ
Вазорати умури дохилии Тоҷикистон аз ҳалокати чаҳор шаҳрванди кишвар, аз ҷумла як кӯдаки 1-сола дар пайи садамаҳои нақлиётӣ давоми ду рӯзи ахир хабар медиҳад.
Ба иттилои дафтари матбуоти ВУД, рӯзи 4 июли соли равон ронандаи 20-солаи автомашинаи тамғаи “Дэу-Сиелло” аз шаҳри Қӯрғонтеппа ҳангоми ҳаракат аз маркази вилояти Хатлон ба самти шаҳри Сарбанд аз ӯҳдаи идораи нақлиёт набаромада, писарбачаи 10-соларо пахш намудааст, ки дар натиҷа пиёдагарди ноболиғ ба ҳалокат расидааст.
Манбаъ мегӯяд, инчунин рӯзи 4 июли соли равон дар роҳи “Душанбе-Чаннок” низ садамаи нақлиётие рух додааст, ки талафоти ҷонӣ дар пай дорад: “Ронандаи 27-солаи автомашинаи “ВАЗ-21099” аз шаҳри Панҷакент ҳангоми ҳаракат дар роҳи “Душанбе-Чаннок” аз уҳдаи идораи нақлиёт набаромада, ба ҷуйбори бетонии тарафи рости роҳ бархӯрдааст, ки дар натиҷа мусофири ин автомашина - марди 40-солаи аз Панҷакент ҷон додааст”.
Рӯзи 5 июли соли равон дар пайи риоя нашудани қоидаи ҳаракат дар роҳ аз ҷониби ронандаи 26-солаи автомашинаи тамғаи “Хундай” аз шаҳри Норак марди 40-солаю як кӯдаки 1-сола, ки сокини ноҳияи Ҳамадонӣ мебошанд, ба ҳалокат расидаанд: “Ронандаи “Хундай” дар ҳудуди ҷамоати деҳоти Оқсуи ноҳияи Данғара ба самти муқобил баромада, ба автомашинаи тамғаи “Опел-Астра”, таҳти идораи марди 40-солаи сокини н.Ҳамадонӣ бархӯрдааст, ки дар натиҷа, ронандаи “Опел-Астра” ва мусофири он - писарчаи 1-сола дар ҷойи ҳодиса ба ҳалокат расида, ду мусофири дигар - зани 36-сола ва писарчаи 4-сола бо ҷароҳатҳои ҷисмонӣ дар беморхона бистарӣ шудаанд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |