Расулзода хост, маоши таъмиргарони “Истиқлол” саривақт пардохт шавад
Ҳудуди 60 дарсади корҳои таъмиру бозсозӣ дар нақби “Истиқлол” дар гарданаи анзоб, ки пойтахти Тоҷикистонро бо шимоли кишвар мепайвандад, анҷом шудааст.
Рафтуо тавассути нақби “Истиқлол” аз 23 июни соли равон қатъ гардида, мақомот мегӯянд, дар ҳоли ҳозир аз 9 ҳазору 992 метр таъмиру бозсозии 5 ҳазору 320 метри роҳ аз ду ҷониби хатти ҳаракат анҷом ёфтааст.
Қоҳир Расулзода, сарвазири Тоҷикистон рӯзи 11 август барои шиносоӣ бо рафти корҳои бозсозию таъмир дар нақби “Истиқлол” ба ағбаи Анзоб рафта, ба “беҳдошти шароити кори нақбсозон, аз ҷумла пардохти саривақтии музди маош, таъмини мунтазами иншоот бо масолеҳи зарурии сохтмонӣ ва ба онҳо бемайлон дастрас намудани маводи ғизоӣ ва сару либоси корӣ“ таъкид кардааст.
Бунёди нақби “Истиқлол”, ки дар гарданаи Анзоб воқеъ асту шаҳри Душанберо бо шимоли кишвар пайваст мекунад, аз соли 1998 бо кумаки молии Эрон аз ҷониби ширкати “Собир Интернешнл” оғоз шуд. Моҳи майи соли 2003 Душанбе ва Теҳрон барои анҷоми корҳои сохтмонӣ Ёддошти тафоҳум тасвиб карданд. Барои иҷрои ин тарҳ 39 миллион доллар ихтисос шуда, аз ин миён 21 миллион доллар кумаки билоивази Эрон мебошад. Айни ҳол бо вуҷуди ифтитоҳи расмии нақб вазъи он ногувор буда, мусофирон зимни убури он ба мушкилиҳо дучор мешаванд. Охири моҳи июни соли равон рафтуо тавассути ин нақб дубора маҳдуд шуда, ҳоло дар асоси созишномаи дуҷониба миёни ҳукумати Тоҷикистону Эрон корҳои бозсозию бастани маҷроҳои об дар мавзеъҳои алоҳида, бетонрезии қабати болоии роҳ, равшаннамоӣ ва ҳавотозакунӣ идома дорад. Суҳроб Мирзоев, муовини аввали вазири нақлиёти Тоҷикистон рӯзи 30 июл зимни нишасти матбуотие дар Душанбе гуфт, дар нақша аст, моҳи октябр ҳаракати нақлиёт тавассути он дубора мумкин гардад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |