27 авг 2015 14:00Тоҷикистон / CV / Сиёсат

Лағви нишасти хабарии ҲНИТ дар “Sheraton”

Масъулини меҳмонсарои “Sheraton” аз лағви нишасти хабарии Ҳизби наҳзати исломии Тоҷикистон, ки қарор буд, дар ин меҳмонсаро баргузор шавад, хабар медиҳанд.

Хабарнигорони “Озодагон”, ки ҳоло дар “Sheraton” қарор доранд, мегӯянд, масъулини ин меҳмонсаро гуфтаанд, нишасти хабарии ҲНИТ дар меҳмонсарои онҳо баргузор нахоҳад шуд ва сабаби ин тасмими худро, ки дар лаҳзаҳои ахирин гирифта шудааст, шарҳ надодаанд.

Дар ҳамин ҳол, масъулини ҲНИТ хабари лағви нишасти худ дар “Sheraton”-ро дар суҳбат бо “Озодагон” тасдиқ карда, гуфтанд, нишасти хабарии онҳо, ки қарор аст, дар он баёнияи Шӯрои сиёсии ин ҳизб эълон шавад, дар макони дигар баргузор мешавад: "Аммо ҳамсуҳбатони мо аз гуфтани макони нави баргузории ин нишаст то замони шурӯи он худдорӣ карданд".

Қаблан хабар дода шуд, ки нишасти хабарии ҲНИТ соати 14:00-и 27 август дар меҳмонсарои “Sheraton”-и Душанбе оғоз мешавад.

Интизор меравад, масъулини ҲНИТ дар нишаст баёнияи Шӯрои сиёсии ин ҳизб дар робита ба муносибати ахири мақомоти давлатӣ, баста шудани қароргоҳи марказӣ ва ҳам омодагиҳо ба анҷумани навбатии он баррасӣ хоҳад шуд. Анҷумани 12-уми ҲНИТ қарор аст, 15 сентябри соли равон баргузор шавад ва яке аз мавзуъҳои меҳварии он интихоби раиси нави ин ҳизб хоҳад буд.

Додгоҳи иқтисодии Душанбе шоми 24 авгуи соли равон дар асоси пешниҳоду тавсияи Додситонии кулли кишвар ба дари қароргоҳи марказии ҲНИТ, воқеъ дар кӯчаи Борбад-1 муҳр зад. Ҳикматуллоҳ Сайфуллозода, масъули ин ҳизб он замон дар суҳбат бо "Озодагон" гуфт, “Додситонии кулли кишвар далели ин корро дар баҳси ҳалнашудаи Кумитаи амвол бо соҳибмулки бинои қароргоҳи марказии ҲНИТ, ғайриқонунӣ харидорӣ шудани бинои мазкур, ки ба ширкати "Тиҷорат” мутааллиқ буд, арзёбӣ мекунад”.

Торнамои ҲНИТ бастани дари қароргоҳи марказии ҳизбро идомаи амалиёти "антинаҳзатӣ” унвон карда гуфт, "аз тифл то бузурги миллат хуб медонанд, ки рӯи кор даст гирифтани амалиёти мазкур танҳо ба хотири халал эҷод кардан барои баргузории анҷумани навбатии ҳизб аст, ки қарор аст 15 сентябри соли равон баргузор гардад".

Мӯҳр

Хабарҳои монанд:

Рахмат К Мастчох

Равед хонаи Галатой Баротовара дафтари кории худ кунед. Барои Шумо дигар чой нест. Инкадар даву гечи шумо ба кадом хотир аст нахзатихо.
Раиси Ҳизби наҳзати исломии Тоҷикистон Муҳиддин Кабирӣ зимни вохӯриҳои худ, танҳо дар муқобили давлат баромад мекунад, Ҳукуматро муттаҳам месозад, ки «имконот ва озодиҳои минималиро барои мардум таъмин намедиҳад, иҷозати рафтанро ба масҷид намедиҳад, масъалаи рӯймолу риш ва ҷомаашро доим миннат мекунад, раъяшро тақаллуб мекунанд, моликияташро аз дасташ мегиранд, барқаш намедиҳанд ва даҳҳо мушкили иқтисодӣ, иҷтимоӣ ва сиёсии дигарро болои мардум меоранд». Ин дурӯғ аз забони шахсе бурун меояд, ки шароити давлатро аз ҳама беҳтар ва бештар медонад: дар Тоҷикистон беш аз 4 ҳазор масҷид дар ихтиёри аҳли тақво қарор дорад ва мардум озодона машғули тоату ибодатанд. Фарзандҳо аз тамоми имтиёзоти рӯйиҷаҳони бархӯрдоранд: дар беҳтарин донишгоҳҳо таҳсил мекунанд, бисёр шаҳрвандони ҷумҳур соҳиби хонаҳои боҳашамату мошинҳо гаронбаҳоянд.

Ислом ба зоти худ надорад айбе,

Ҳар айб, ки ҳаст, дар мусулмонии мост.

Ҷавоб диҳед Иқтибос Шикоят

Рустам

Албатта хукуматдорон рохбарияти Шератонро тахдиди пешаки карданд, ки ба ягон бало гиоифтор мешавед. Тоба, чаро ин хукуматдорон аз ХНИТ ин кадар метарсанд?

Ҷавоб диҳед Иқтибос Шикоят

Эзоҳ илова кунед