ВИДЕО: Шӯрои сиёсии ҲНИТ билохира баёнияи худро эълон кард (НАВШУДА)
Дар нишасти хабарии ин ҳизб, ки дар кӯчаи Хайрулло Мирзоеви шаҳри Душанбе шурӯъ гардид, масъулини ҳизб гуфтанд, ин кор “бевосита ба қарори Раёсати олии ҲНИТ дар бораи баргузор кардани анҷумани навбатии ҳизб рабт дорад”.
Ҷойе, ки ҲНИТ нишаст баргузор кард, қароргоҳи муваққатии ҳизб гуфта шуд. Қаблан эълон гардид, ки ҲНИТ нишасти худро дар меҳмонсарои “Sheraton” баргузор мекунад, аммо баъдан маъмурини ин макон гуфтанд, нишаст лағв шудааст.
ДАР БОРАИ МУҲРИ ПУШТИ ДАРИ ҲИЗБ
Сайидумар Ҳусайнӣ, муовини раиси ҲНИТ дар мавриди талош барои бозкушоии дафтари ин ҳизб гуфт, дар ҳолате ба ин мушкил мувоҷеҳ шуданд, ки тамоми таваҷҷуҳашон ба баргузор кардани анҷуман нигаронида шудааст. “Аз ҳамин рӯ мо думболи ҳалли қароргоҳи ҳизб нестем. Аслан қароргоҳи ҳизб моликияти яке аз аъзои ҳизби мо аст ва он дунболи ҳалли он аст. Мо дар фикри идомаи фаолияти ҳизби худ ҳастем”,-таъкид кард Ҳусайнӣ.
Оқои Ҳусайнӣ дар идома афзуд: “Баъди он ки анҷумани ҳизбро баргузор мекунем вақт пайдо мекунем, ки идомаи ҷиддитаре доштам бошем. Ҳоло фикри мо фақат дар бораи баргузор кардани анҷумани ҳизб аст”.
ВИДЕОи ин суханрониро инҷо бубинед
Дар нишаст Баёнияи Шӯрои сиёсии ҲНИТ қироат шуд, ки дар он аз ҷумла омадааст, “Шӯрои сиёсии ҲНИТ дар ҷаласаи худ аз 25 август вазъи сиёсии кишвар, бахусус, фишору ҳуқуқпоймолкуниҳои рӯзҳои ахири мақомоти давлатӣ алайҳи ҲНИТ-ро баррасӣ намуда, онро идомаи татбиқи протоколи маъруфи 32-20 медонад, ки ҳадафи аслияш бо роҳҳои ғайриқонунӣ заъиф ва аз саҳна берун кардани ҳамаи неруҳо ва афроди гуногунандеш, аз ҷумла ҲНИТ мебошад”.
ВИДЕОИ баёнияи Шӯрои сиёсии ҲНИТ инҷост
Сайидумар Ҳусайнӣ, муовини раиси ҳизби наҳзати исломӣ мегӯяд, дафтари ҲНИТ дар Кӯлоб низ айни мушкили қароргоҳи марказиро дорад: "Шояд ба дари он ҳам муҳр бизананд".
ДАР БОРАИ БАРГАШТАНИ КАБИРӢ ВА АМНИЯТИ ДАФТАР
Дар нишасти имрӯз баргаштани Муҳиддин Кабирӣ, раҳбари ҲНИТ аз Туркия низ матраҳ шуд. Масъулини ҳизб таъкид карданд, тавсияи аъзои Шӯрои сиёсии ҲНИТ дар мавриди барнагаштани раҳбарияти ҳизб ҳанӯз ҳам побарҷост. Масъулони ҲНИТ дар мавриди вазъи феълӣ ва амнияти маққари басташудаашон гуфтанд, тамоми асноду ҳуҷҷат дар дохили ҳизб аст. Ба гуфтаи онҳо ҳатто мошини яке аз аъзои ҳизб ҳам дар ҳавлии қароргоҳи ҳизб мондааст. Сайидумар Ҳусайнӣ дар мавриди амният қароргоҳи ҳизб таъкид кард, “ба далели он ки дарҳои ҳизб аз ҷониби додгоҳ муҳр зада шудааст, кадом ниҳоди дигар ҳаққи кандани онро надорад. Вале боз ҳам дар ин кишвар метавон ҳар чизро умедвор буд”.
Ба гуфтаи Ҳусайнӣ, қароргоҳи ҲНИТ-ро ба нозири минтақавии он ҷо супоридаанд, ки барои амнияти он ҷавобгар аст.
Дар ин нишаст, намояндаи Сафорати Амрико дар Тоҷикистон, хабарнигори "Associated press" ва хабарнигорони расонаҳои кишвар ҳузур доштанд. Сайидумар Ҳусайнӣ ба саволи хабарнигори "Associated press" дар мавриди он ки ҳукумат солҳои зиёд ҳузури ҲНИТ-ро таҳаммул кард, вале чӣ чизе муносиботи ҲНИТ-ро бо ҳукумат чанд сол пеш тағйир дод, гуфт: “Баъди ба раёсат расидани Муҳиддин Кабирӣ ва боло рафтани нуфузи ҲНИТ ва бахусус чашмрас шудани нерӯи ҳизб дар интихоботи парлумонии соли 2010, шояд сабаб шуд, ки ҳукумати кишвар ҳизби моро рақиби худ эҳсос кардаву ин корҳоро ба роҳ мондааст”.
Ин мақоми ҲНИТ ба саволи хабарнигорон дар мавриди фишор болои аъзои ин ҳизб гуфт: “Мо борҳо таъкид кардем, ки фишор овардани болои як нерӯи созандаву мӯътадил гарм кардани бозорои тундгароён аст. Ин мантиқӣ аст”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
