16 сен 2015 19:56Тоҷикистон / Сиёсат / Тема дня

Ҳамдардии Э.Раҳмон ба наздикони куштаҳо ва сипосаш барои амалиёт алайҳи “Ҳоҷӣ Ҳалим”

Эмомалӣ Раҳмон, раисиҷумҳури Тоҷикистон ба аҳли оила ва наздикону пайвандони кормандони мақомоти ҳифзи ҳуқуқ ва сохторҳои низомӣ, ки дар ҷараёни амалиёти махсус ҷиҳати маҳви гуруҳи Абдуҳалим назарзода, маъруф ба “Ҳоҷӣ Ҳалим” кушта шудаанд, изҳори ҳамдардӣ кардааст.

Дафтари матбуоти президенти кишвар мегӯяд, раисиҷумҳур “ба роҳбарони сохторҳои мақомоти дахлдор супориш дод, ки оилаҳои шахсони ҳалокшударо бо кумаку ғамхории ҳамаҷониба фаро гиранд”.

Амалиёти вижаи мақомот алайҳи гуруҳи "Ҳоҷӣ Ҳалим" баъд аз ҳамлаи бомдоди 4 сентябр ба ШКД-и Ваҳдат ва Дастгоҳи марказии Вазорати мудофиа дар Душанбе шурӯъ гардид. Ба иттилои расмӣ 13 корманди мақомот, бо шумули фармондеҳи "Алфа"-и КДАМТ кушта шудаанд.

Дафтари матбуоти раисиҷумҳур меафзояд, Эмомалӣ Раҳмон ба тамоми ҳайати шахсии мақомоти ҳифзи ҳуқуқ ва сохторҳои низомие, ки дар ин амалиёти махсус ширкат намуданд ва ба ҳамаи шаҳрвандоне, ки "дар самти дастгир кардани террористон бо мақомоти ҳифзи ҳуқуқ ва сохторҳои низомӣ фаъолона ҳамкорӣ доштанд, изҳори миннатдорӣ намуд”.

Қаблан, мақомоти умури дохилӣ ва амнияти миллии Тоҷикистон хабар доданд, ки 11 сентябр 18 узви гуруҳи Абдуҳалим Назарзодаро мардум боздошт ва ба мақомот супоридаанд.

Мӯҳр

Хабарҳои монанд:

каландар

ходо чои ин шахидонро чанат биардонад барои 1 хоин шуда ин чавонбардони точик чони удро дарег надоштанд номи ин чавонмардон дар тарих боки хохад монд.

Ҷавоб диҳед Иқтибос Шикоят

ВАТАНДОР

Мухтарам Ҷаноби Оли нишон додед,ки дар давлати мо пои нохалаф афтад несташ мекунед манхам хамдардии худро ба шумо ва наздикони халокшудагон мерасонам

Ҷавоб диҳед Иқтибос Шикоят

БАХА

Ман ба иктидори мудофиавии Точикистон бовар кардам. Ман низ хамдардии амики худро ба хонаводаи шахидон, ки бахри ободии рузгори имрузу фардои мо чон бохтаанд, мерасонам. Равонатон шод боду манзилатон обод.Омин.

Ҷавоб диҳед Иқтибос Шикоят

Эзоҳ илова кунед