Номаи Диана Гуртская ба сафири тоҷик: Шарм медорам...
Диана Гуртская, овозхони маъруфи рус ва узви Палатаи ҷамъиятии Русия бо ирсоли як нома ба Имомуддин Сатторов, сафири Тоҷикистон дар Маскав дар робита ба марги Умаралии 5-моҳа изҳори тасаллият кардааст.
Тибқи иттилои сафорати Тоҷикистон дар Русия Гуртская дар номааш баробари изҳори ҳамдардӣ ба наздикони Умаралӣ, афзудааст: “Чун модар ман ин дардро дарк мекунаму дар ғам шарикам. Хеле шарм медорам, ки дар пойтахти фарҳангии Русия тифли навзод комилан беҳимоят монд. Омодаам, якҷо бо ҷамъияти тоҷикон тамоми талошро равона кунам, то чунин қазияҳо минбаъд такрор наёбанд”.
Овозхони маъруфи рус марги Умаралиро ҷиноят хонда, таъкид намудааст, ки ба он бояд баҳои воқеии ҳуқуқӣ дода шавад. Ӯ афзудааст, ки ҳамроҳ бо ҳамкорони дигараш, аз мақомоти Русия таҳқиқи мунсифонаи фоҷеаро талаб карда, таъкид намудааст, ки натиҷаи тафтишот ба палатаи ҷамъиятӣ ироа шавад.
Марги мармузи Умар Назарови 5-моҳа, ки баъди гирифтан аз дасти волидон шаби 13 ба 14 октябр дар беморхонаи Симбалина даргузаштааст, дар ҷомеаи Тоҷикистону Русия вокуниши шадид ба вуҷуд овард. Мақомоти Русия мегӯянд, феълан аз рӯи ин ҳодиса парванда оғоз шуда, тафтишот идома дорад.
Дар мавриди таҳқиқи қазия Консулгарии ифтихории Тоҷикистон дар Санкт-Петербург ахиран эълон кард, ки ба Кумитаи федералии тафтишоти Санкт-Петербург ва додситонӣ ёддошти эътирозӣ равон хоҳад кард, чун ба гуфтаи намояндагии Тоҷикистон дар ШКД-и ноҳияи Адмиралтийски Санкт Петербург ва хадамоти муҳоҷирати ин ноҳия кӯшишҳо барои айбдор кардани волидон дар марги кӯдак дида мешаванду ҳуқуқи вакилони дифоъро дар ин қазия нодида мегиранд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |