АКС: Шоҳидии муттаҳам дар қатли кормандони комиссариат: Шахсони номаълум салом доданд...
Вазорати умури дохилии Тоҷикистон навори шоҳидии Умедҷони Амрохон, муттаҳам дар қатли кормандони комиссариати ноҳияи Синоро нашр кард.
Умедҷони Амрохон, ки сокини 21-солаи шаҳри Кӯлоб муаррифӣ мешавад, дар навори нашркардаи ВКД мегӯяд, “аз хона ба ҷои кор омада истода будем, ки шахсони номаълум омада, салом доданд. Чор нафар буданд, ҳар чорашонро бо кордча задам. Кордчаро як моҳ қабл аз бозор харида будам”.
Вазорати умури дохилӣ аз боздошти Умедҷони Амрохон, ки муваққатан дар Душанбе истиқомат мекунаду расман бекор мебошад, 13 ноябр иттилоъ дода буд: “Боздоштшуда ҷинояти мазкурро дар якҷоягӣ бо шарики худ, ки айни ҳол дар кофтукоб қарор дорад, содир намудааст. Сабаб ва ҳолати содир гардидани ҷинояти мазкур муайян карда мешавад. Нисбати далели мазкур паравндаи ҷиноятӣ оғоз гардида, тафтишот идома дорад”.
Тибқи иттилои қаблии Вазорати умури дохилии Тоҷикистон ҳамлаи маргбор ба афсарони комиссариати ҳарбии ноҳияи Синои шаҳри Душанбе соати 7:20 дақиқаи 7-уми ноябр рух додааст. Тибқи иттилои ин ниҳод афроди номаълум дар кӯчаи Деҳотии шаҳри Душанбе бо кормандони Комиссариати ҳарбии ноҳияи Сино - лейтенанти калон Эгамбердиев Темурхон, майор Мирзоев Пулод, прапоршик Насибов Ҳамза ва ронандаи комиссариати мазкур - Саъдуллоев Рустам муноқиша карда, бо корд номбурдагонро маҷруҳ кардаанд: “Дар натиҷа майор Мирзоев Пӯлод дар ҷойи ҳодиса прпоршик Насибов Ҳамза низ дар беморхона ба ҳалокат расидааст. Дигарон бо ҷароҳатҳои гуногун дар беморхона бистарӣ шудаанд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |