Боздошти муттаҳами дуюм дар қатли кормандони комиссариат
Вазорати умури дохилии Тоҷикистон аз боздошти муттаҳами дуюм дар қатли кормандони комиссариати ноҳияи Сино хабар дод.
Тибқи иттилои ин ниҳод боздоштшуда - Раҳматов Шариф Куканович, соли таваллудаш 1995, зодаи шаҳри Кӯлоб, муваққатан истиқоматкунандаи шаҳри Душанбе мебошад, ки 17-уми ноябр дастгир гардид.
Ахиран Вазорати умури дохилии Тоҷикистон навори шоҳидии Умедҷони Амрохон, муттаҳами дигар дар қатли кормандони комиссариати ноҳияи Синоро нашр кард.
Умедҷони Амрохон, ки сокини 21-солаи шаҳри Кӯлоб муаррифӣ мешавад, дар навори нашркардаи ВКД мегӯяд, “аз хона ба ҷои кор омада истода будем, ки шахсони номаълум омада, салом доданд. Чор нафар буданд, ҳар чорашонро бо кордча задам. Кордчаро як моҳ қабл аз бозор харида будам”.
Тибқи иттилои Вазорати умури дохилии Тоҷикистон ин ду боздоштшуда соати 7:20 дақиқаи 7-уми ноябр дар кӯчаи Деҳотии шаҳри Душанбе бо кормандони Комиссариати ҳарбии ноҳияи Сино - лейтенанти калон Эгамбердиев Темурхон, майор Мирзоев Пулод, прапоршик Насибов Ҳамза ва ронандаи комиссариати мазкур - Саъдуллоев Рустам муноқиша карда, бо корд номбурдагонро маҷруҳ кардаанд: “Дар натиҷа майор Мирзоев Пӯлод дар ҷойи ҳодиса прпоршик Насибов Ҳамза низ дар беморхона ба ҳалокат расидааст. Дигарон бо ҷароҳатҳои гуногун дар беморхона бистарӣ шудаанд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |