26 дек 2015 11:07Тоҷикистон / Дидгоҳи хос

Посухи масъули амният: Ҷавонони кадом навоҳии Тоҷикистон ҷангҷӯи ДИИШ шудаанд?

Абдусамад Кенҷаев, масъули Кумитаи амнияти миллии Тоҷикистон, имрӯз, 26 декабр, зимни як мизи гирд дар Душанбе навоҳиеро номбар кард, ки сокинонашон нисбатан бештар ба ДИИШ пайвастаанд.

Кенҷаев зимни мизи гирд дар мавзӯи омилҳо ва роҳҳои ҷилавгирӣ аз ифротгароии ҷавонон дар бинои Маркази тадқиқоти стратегии назди президент изҳор дошт, ки дар шаҳри Душанбе бештар сокинони ноҳияҳои Фирдавсӣ ва Сино ба ДИИШ пайвастаанд. Ба гуфтаи Кенҷаев дар ҷануб бештар сокинони шаҳри Қӯрғонтеппа, Кӯлоб, навоҳии Бохтар, Қубодиён, Ҷаллодидин Румӣ, Фархор, Шаҳритус, дар вилояти Суғд- Исфара, Конибодом, Спитамен, Истаравшан, Чкаловск, дар навоҳии тобеи марказ-сокинони Рӯдакӣ, Ваҳдат Ҳисор ва дар Вилояти мухтори куҳистони Бадахшон бештар сокинони Ванҷ ҳадафи ДИИШ қарор гирифта, ба Сурияю Ироқ рафтаанд.

Ӯ афзуд, ки бештари тоҷикистониҳо тариқи хатсайрҳои Душанбе-Туркия-Димишқ ва Душанбе-Маскав-Димишқ ба гуруҳҳои ифротӣ мепайванданд.

Кенҷаев таъкид кард, ки бештари ҷавонон дар шабакаҳои иҷтимоӣ ба навору таблиғоти ифротгароён дода шуда, ақидаҳояшонро қабул мекунанд. Ӯ чораандешиҳоеро, ки айни ҳол алайҳи ҷалби ҷавонон ба гуруҳҳои ифротӣ дар Тоҷикистон амалӣ мешаванд, нокифоя хонда, афзуд, ки бояд талошҳо дар ин самт густариш ёбанд.

Қаблан Рамазон Раҳимзода, вазири умури дохилии Тоҷикистон гуфт, дар пайи амалиёти Русия алайҳи ифротгароён дар Сурия қисме аз ҷангиён ба Ватан бармегарданд, то тахрибкорияшонро идома диҳанд. Ҳушдори Раҳимзода аз хатари бозгашти ҷангиён аз Сурия дар ҳолест, ки тибқи омори ҷаддиди мақомоти тоҷик ба ҷангҳои Сурия ҳудуди 700 тоҷикистонӣ ҷалб шудаанд, ки тақрибан 300 нафарашон кушта шудаанд.

Мӯҳр

Хабарҳои монанд:

Малик

Пеши рохи онхоро фикр мекунам ба зиндон кардани наздиконашону на ба тахдид гирифта наметавонед. Зеро наваду панч дарсади Точикистон мусалмонаст лекин дин озод нест агар дин озод бошад масчидхо озод бошан фишор боли рухонихо набошад.дигар бахонае надоранд ки бираванд ба Сурияву Ирок. Мисоли одди вакти як чавонро мепурсанд ки биё чиход равем аввал дар чавоб не меоуяд баъд пеши назараш аз махдудиятхои дини дар Точикистонро мебиёранду мегуянд, ки бубин дар як давлати кофири зиндаги дори намоз,руза,хондани Куръон ва як бисёри дигар мисолхо мебиёран ки ягон мусаьмон баъди инкадар мисол дигар наметавонад не бигуяд зеро хичоби хохару зани у номуси уст....

Ҷавоб диҳед Иқтибос Шикоят

Ватандуст

Эй бародар Малик ту фикри хом доштай. Аз ин суханхоят маълум мешавад, ки ту ба мисли онхое, ки падару модар зану фарзанд нагуфта рафтанд чи шуд? Шукрона кун бародар, ки агар дар Точикистон боши. Он давлат ба ном давлати исломи хас. Лекин...

Ҷавоб диҳед Иқтибос Шикоят

Эзоҳ илова кунед