26 дек 2015 13:08Тоҷикистон / Сиёсат / Акс

АКС: Ҳамоиши ҳазорҳо ҷавон барои пайравӣ аз Пешвои миллат

Имрӯз 26 декабр, аз соати 12:00 то 13:00 бо иштироки қариб 4 ҳазор ҷавон аз манотиқи гуногуни Тоҷикистон дар саҳни Театри давлатии академии опера ва балети ба номи Садриддин Айнии шаҳри Душанбе аксияи ҷавонон пайрави “Пешвои миллат” баргузор гардид.

Навруз Қурбонов, масъули дафтари матбуоти Кумитаи ҷавонон, варзиш ва сайёҳӣ ба “Озодагон” иттилоъ дод, дар ин иқдом ҷавонон аз пешвои миллат эълон гардиидани Эмомалӣ Раҳмон истиқбол карданд: “Дар ин маърака намояндагони ниҳодҳои давлатӣ, аз қабили раиси Кумитаи ҷавонон, варзиш ва сайёҳӣ, раиси Кумитаи кор бо занон ва оила, муовини раиси Кумитаи телевизион ва радио ширкат доранд”.

Эмомалӣ Раҳмон, раисиҷумҳури Тоҷикистон рӯзи 25 декабр қонун "Дар бораи Асосгузори сулҳу Ваҳдати миллӣ-Пешвои миллат"-ро имзо кард, ки тибқи он Эмомалӣ Раҳмон унвони пешвои миллатро гирифт. Қонуни мазкур аз муқаддима ва 16 модда иборат буда, вазъи сиёсиву ҳуқуқӣ, салоҳият, дахлнопазирӣ, бунёди осорхона, бойгонӣ, китобхона, амният ва кафолатҳои иҷтимоию иқтисодии Асосгузори сулҳу ваҳдати миллӣ-Пешвои миллатро муқаррар мекунад.

Мӯҳр

Хабарҳои монанд:

mmm

Ин чавоноя боз чамь кардан даркор мешад.

Ҷавоб диҳед Иқтибос Шикоят

Шоир

"Эмомалӣ Раҳмон, раисиҷумҳури Тоҷикистон рӯзи 25 декабр қонун "Дар бораи Асосгузори сулҳу Ваҳдати миллӣ-Пешвои миллат"-ро имзо кард, ки тибқи он Эмомалӣ Раҳмон унвони пешвои миллатро гирифт"

Ҷавоб диҳед Иқтибос Шикоят

Точик

Бовар кунед шармам меояд ..милате ки дар бухрони иктисоди гирифтор милиардхо карзидор, милате ки бе чанг 2 милион шахрвандаш берун аз ватан шуда ,милате ки дар ватани худаш кадру мазалат надорад, милате ки дар бухрони энерджи гирифтор . Милате ки чои кор надорад маош надорат зиндаги надорад ..боз пешвои миллату..

Ҷавоб диҳед Иқтибос Шикоят

Эзоҳ илова кунед