28 дек 2015 16:39Тоҷикистон / Сиёсат
(АКС) Интиқоди Кумитаи дин аз қабули Кабирӣ дар Эрон: Ӯ дар ҷустуҷӯи байналмилалӣ қарор дорад
Ин кумита бо нашри иттилоияе аз иштироки Кабирӣ дар конфронси “Ваҳдати исломӣ” дар Теҳрон изҳорӣ нигаронӣ кардааст. Дар иттилоияи Кумитаи дини Тоҷикистон, ки дар ихтиёри “Озодагон” гузошта шуд, Абдуғаффор Юсуфов, сардори Раёсати таҳлил ва ташхиси диншиносии Кумита гуфтааст, ҳанӯз 29 сентябри соли равон тибқи ҳалномаи Додгоҳи олии Тоҷикистон фаъолияти Ҳизби наҳзати исломии Тоҷикистон дар қаламрави кишвар мамнӯъ эълон гардид: “Чаро ҷониби Эрон дидаву дониста роҳбари онро, ки бо дархости ҷониби Тоҷикистон дар ҷустуҷӯи байналмилалӣ қарор дорад, ба ин конфронс даъват кардааст. Ин конфронси байналмилалӣ, ки “Ваҳдати исломӣ” унвон гирифтааст, пас дар он бояд аз ваҳдат, ҳамбастагӣ ва иттиҳоди мусулмонон сухан гуфт. Раиси ҳизбе, ки борҳо ҷиҳати анҷом додани аъмоли хунин, харобкориҳо, қатлу куштор дастур додаст, чӣ гуна боз метавонад аз боби ваҳдату бародарии мусулмонон сухан гӯяд?”
Ба қавли Юсуфов, “ҷониби Эрон, ки ҳамеша аз Тоҷикистон ба сифати дӯсту бародари ҳамфарҳангу ҳамнажоду ҳамдин ёд мекунад, оё ба мавқеъ ва қонунгузории кишвари бародари худ арҷ ва эҳтиром мегузорад ё на? Ин мавқеи Эрон – даъвати шахсе, ки бо дархости “кишвари бародар” дар ҷустуҷӯи байналмилалӣ қарор дорад, дар чунин як ҳамоиши сатҳи баланд суолҳои зиёди бидуни посухро дар зеҳнҳо ба вуҷуд меорад. Ё оё Эрон аз ҳаводиси ибтидои моҳи сентябри Душанбе бехабар буд? Оё дар амалӣ сохтани ин ҳама ҳаводиси хунин ҳамин ҳизби ифротгарои “Наҳзати исломӣ” даст надошт? Ва суоли ниҳоӣ чунин буда метавонад, ки ба чунин конфронси сатҳи баланд, ки дар баробари намояндагони мақомоти ваколатдори давлатӣ оид ба дини кишварҳои олам, ҳамчунин бархе аз террористону ифротгароён даъват шудаанд, чӣ натоиҷеро интизор шудан мумкин аст?”
Тибқи иттилои расонаҳои Эрон, Муҳиддин Кабирӣ аснои суханронӣ дар конфронси “Ваҳдати исломӣ” бо баёни ин ки “камтаваҷҷуҳии кишварҳои исломӣ ва аҳзоби исломӣ яке аз далоили инҳирофи бедории исломӣ дар минтақа аст, таъкид кардааст, “кишварҳо бояд таваҷҷуҳи бештаре ба мардуми худ дошта бошанд”.
Ба гузориши Isna, Кабирӣ ҳамчунин изҳор доштааст, “мо бо ҳар гуна ифротигарии мазҳабӣ мухолиф ҳастем”.
Конфронси мазкур қарор аст, то сешанбеи 29 декабр идома кунад. Дар кори он аз Тоҷикистон Сулаймон Давлатзода, раиси Кумита оид ба корҳои дин, танзими анъана ва ҷашну маросимҳои миллӣ, Файзулло Баротзода, раҳбари Маркази исломшиносии назди президент, Саидмукаррам Абдуқодирзода, раиси Шӯрои уламои Маркази исломии Тоҷикистон ва чандеи дигар иштирок мекунанд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
