27 янв 2016 12:17Тоҷикистон / Сиёсат / Дидгоҳи хос

Дастури Убайдуллоев: Табдили ҷойҳои ҷамъиятӣ ба милисахона, варзишгоҳ ва дарсхонаю корхона

Ашурбек Расулов, муовини аввали раиси шаҳри Душанбе мегӯяд, бисёри маводҳо барои давлатӣ кардани ҷойҳои ҷамъиятӣ дар пойтахти Тоҷикистон феълан дар дасти судҳо қарор доранд.

Расулов, имрӯз, 27 январ зимни нишасти матбуотӣ дар Душанбе изҳор дошт, ки аз 214 ҷои ҷамъиятӣ дар пойтахт 148 ададашон ғайриқонунӣ буданд. Ӯ илова намуд, ки то ҳол 34 адад бинои ҷойҳи ҷамъиятӣ ба идораи нозирони минтақавии милиса, амният ва сӯхторхомӯшкунӣ мубаддал шуда, маводи боқимонда дар баррасии судҳо мебошад. Муовини якуми раиси Душанбе афзуд, дар назар аст, ки ҷойҳои ҷамъиятӣ ба майдонҳои варзишӣ, коргоҳҳо ва дигар муассисаҳои шаҳрӣ табдил дода шаванд.

Қаблан Маҳмадсаид Убайдуллоев, раиси шаҳри Душанбе дастур дода буд, биноҳои ҷойҳои ҷамъиятии шаҳраку маҳаллаҳои пойтахт, ки аксаран чун ҷойи намозгузорӣ истифода мешуданд, барои ташкили ҷойҳои нави корӣ истифода гарданд. Тибқи дастури Убайдуллоев бинои ҷойҳои ҷамъиятӣ, ки аксаран ғайримақсаднок истифода мешаванд, барои таъсиси ҷойҳои нави корӣ, марказҳои омӯзиши технологияҳои муосири иттилоотию коммуникатсионӣ, фарҳангию фароғатӣ, ташкили корхонаҳои хурди истеҳсолӣ, ҷойгиркунии муассисаҳои маорифу тандурустӣ ва ҳифзи ҳуқуқ кор бурда шаванд.

Убайдуллоев супориш дода буд, ки биноҳои ҷойҳои ҷамъиятӣ тариқи муроҷиат ба суд ба моликияти давлат ворид гарданду бо риояи талаботи сохтмонӣ, санитарӣ-эпидемиологӣ ва зидди сӯхтор таъмиру таҷдид ва мавриди истифодаи мақсаднок қарор дода шаванд.

Мӯҳр

Хабарҳои монанд:

Комил

ана адолату ҳақиқат!!!
одамо сохтанд, Убайдуллоев прихватизатсия мекунад

Ҷавоб диҳед Иқтибос Шикоят

Султон

комил хато мекуни!
Фарз кардем дар махаллаи зарафшон дар назди хар як бинои баландошиёна масчид (ба ном масчидхо, на тахоратхона доранду на эмоми доими) сохтагиан ба ягон талаботи шахр чавобгу нестанд на дохилу на берунаш.
Дар вакти намози пешин кариб ки дари хамаш махкам ва калид дар дасти ки аст номаълум (касе бо унча ба кавли худаш шеф, ё масъули масчид асту...) дар намози шом ё хуфтан мерави дар хар кадомаш аз 4-5 нафари то 15-20 одам хасту халос.
Масофа байни ин масчидхо хамаши 100 метр аст оё ин дуруст амт магар?
Мардуми ин массид ба дигараш хусуматхои зиёд доран, хастан нафароне ки аз масчиди (ба ном масчид) пеши хонааш кахр кардааст ва ба масчиди пушти хонааш меравад.
Хулоса хастан масчидхое ки хам аз чихати диниву хам аз чихати шахрдори ба талабот чавобгу бигузор рафта ончо намозашонро адо кунанд.
Назди хар як бинои истикомати бо шумораи камтарини намозгузорон ки хамагаи як масчидро пур намекунанд чи лозим дар 4-5 масчид намоз гузоштан? Оё ин дуруст аст?
хулоса Убайдуллоеви гироми Худо гузаштагонатро махфират кунад ачаб кори хубе карди найбатхонахоро нест кардан даркор

Ҷавоб диҳед Иқтибос Шикоят

али

Максад аз чои чамъияти хамон масчид аст чиба аку масчид намегуед?намешавад хамин масчидхоро расми кунед хуччатхоша дихед ба фикрам осонтар аст аз он ки ин масчидро ба милисахонаю чойхона табдил додаву ва барои онхо боз хуччатхо бисозед?

Ҷавоб диҳед Иқтибос Шикоят

Тохир

Шумо одамони мансабдор якбор фикри он дунётонро фикр намекунед ки Хонаи Худора бархам медихед Худо ба хамаи ин чой хо посбони хохад кард. Битарсед аз Аллох

Ҷавоб диҳед Иқтибос Шикоят

Эзоҳ илова кунед