29 фев 2016 16:23Тоҷикистон / Иқтисодӣ / Тема дня

10 соли зиндон барои фиреб ва гирифтани пули мансабдор

Додгоҳи ноҳияи Фирдавсӣ як сокини шаҳри Душанберо барои фиреби директори муассисаи давлатии “Чароғи ҳидоят” ба 10 соли зиндон маҳкум кардааст.

Тибқи иттилои додгоҳ маҳкумшуда соли 2014 бо Савринисо Расулова, директори “Чароғи ҳидоят” шинос шуда, худро соҳибкор муаррифӣ кардааст. Ӯ барои равнақи тиҷорат аз Расулова маблағ гирифта, ваъда додааст, ки даромадро тақсим мекунад: “Тайи солҳои 2014-2015 дар маҷмуъ аз раиси “Чароғи ҳидоят” 41 ҳазор доллари амрикоӣ гирифта, на барои тиҷорат, балки ба манфиати шахсияш сарф кардааст”.

Ба иттилои манбаъ додгоҳ ин сокини Душанберо дар қаллобӣ ва расондани зарари молӣ гунаҳкор дониста, ба 10 соли зиндони низомаш пурзӯр маҳкум кардааст. Ҳамчунин додгоҳ маҳкумшударо барои 5 сол аз ҳуқуқи машғул шудан бо фаъолияти соҳибкорӣ ва молию пулӣ маҳрум намудааст.

Муассисаи давлатии Маркази таълимии «Чароғи ҳидоят» бо қарори ҳукумат соли 2008 барои донишҷӯдухтарони ятим ва бепарастор, ки дар макотиби олӣ ва коллеҷу омӯзишгоҳҳои шаҳри Душанбе таҳсил менамоянд, таъсис дода шуд. Соли 2015 дар мувофиқа бо раисиҷумҳури Тоҷикистон роҳбарияти ин муассисаи давлатӣ иваз гардида, Зарнигори Сорбон раҳбари нави он таъин шуд.

Мӯҳр

Хабарҳои монанд:

афанди

Чаро ин мансабдори пулхура хабс накарданд ?? У чи хукук дошт,ки аз пули ин Муассисаи давлатии Маркази таълимии «Чароғи ҳидоят» ро барои равнаки кори худ истифода бурдааст ??? Коррупция бояд дида барояд ин рохбарро фаъолияти корияшро. Аз хисоби бечорагону камбагалхо айшу ишрат дороиву сарват овардан ин окибаташ азоби сахт аст. Хам дар. Ин дунё. Хам дар охират.

Ҷавоб диҳед Иқтибос Шикоят

Душанбенец.

"Ваъда додааст, ки даромадро таксим мекунем" Имрузхо процентро чунин ном ниходаанд. Ин директор ба ин шах пулро бо процент додааст, холо ки кризис аст ва тичорати ин шахси бечора кохиш ёфтааст ва у ки проценташро гирифта натавонист, ба суд мурочиъат кард. Бояд суд холатхоти мавсими кризисро холо ба назар гирад ва чунин икдомхо накунад вагарна 70%- шахрвандонро суд мекунанд.

Ҷавоб диҳед Иқтибос Шикоят

Эзоҳ илова кунед