Фотимӣ Тоҷикистонро шарики асосии Покистон дар минтақа хонд
Ториқ Фотимӣ, ёвари сарвазири Покистон дар умури сиёсати хориҷӣ гуфтааст, кишвараш Тоҷикистонро шарики асосии худ дар минтақа мешуморад. Ӯ ин нуктаро 17 март дар мулоқот бо Шукурҷон Зуҳуров, раиси Маҷлиси намояндагони Тоҷикистон, иброз доштааст.
Муҳаммадато Султонов, сухангӯи Маҷлиси намояндагон ба “Озодагон” гуфт, Ториқ Фотимӣ қайд намуд, ки ”Покистон ҳамеша талош менамояд, қитъаи Осиё ба минтақаи амну субот мубаддал гардад, зеро оромии он таъминкунандаи зиндагии осоишта барои мардумони ҳамаи кишварҳо мебошад”.
Ба иттилои манбаъ, Шукурҷон Зуҳуров дар навбати худ таъкид кардааст, ки дар робита ба ҳамкориҳо дар соҳаи мудофиа бо дастури сарвазири Покистон -- Навоз Шариф ба Тоҷикистон кумаки ҳарбӣ расонида мешавад.
Раиси Маҷлиси намояндагони Тоҷикистон иброз доштааст, ки ҳамкориҳои дуҷониба дар самти мубориза алайҳи терроризму экстремизм бояд мустаҳкам гарданд: “Дар ин самт масоили марбут ба соҳаи мудофиа ва амният зимни сафари раиси ситоди муштараки Покистон Раҳил Шариф ба Тоҷикистон баррасӣ гардиданд. Таъкид гардид, ки Гуруҳи кории муштарак оид ба мубориза бо терроризм, ки ба наздикӣ таъсис ёфтааст ва баргузории аввалин ҷаласаи он дар назар аст, дар самти мубориза алайҳи таҳдидҳои муосир ва ҳамкориҳои дуҷониба дар ин ҷода нақши калидӣ хоҳад бозид”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |