Барканории ҳайати мураббиёни тими миллӣ баъди бохт бар Қирғизистон
Раҳбарияти Федератсияи футболи Тоҷикистон тамоми ҳайати мураббиёни тими миллии кишварро аз мақомашон барканор кард.
Тавре аз Федератсияи футболи кишвар хабар доданд, дар пайи нокомии мунтахаби футболи кишвар дар сабқати интихобии қаҳрамонии ҷаҳон-2018 Мубин Эргашев, иҷрокунандаи вазифаи сармураббии тими миллӣ ва ёрдамчиҳояш аз вазифа барканор шуданд. Ба иттилои манбаъ, тими милли кишварро дар мусобиқоти интихобии Ҷоми Осиё-2019 ҳайти мураббиёни нав омода месозанд. Манбаъ мегӯяд, ҳайти мураббиёнро сармураббии мунтахаби кишвар, ки ба наздикӣ, исмаш эълон мешавад, интихоб мекунад.
Дар рақобатҳои даври интихобии мусобиқоти Ҷоми ҷаҳонии футбол-2018 яккачини Тоҷикистон дар гуруҳи “В” бо тимҳои миллии Австралияву Бангладеш ва Урдуну Қирғизистон бозӣ кард. Дар пайи натоиҷи ҳамаи бозиҳо мунтахаби Тоҷикистон бо панҷ имтиёз дар мақоми чорум қарор гирифт. Тимҳои миллии Австралия (21 имтиёз), Урдуну (16) ва Қирғизистон (11) мутаносибан дар ҷойҳои як то се нишастанд. Бангладеш ҳамагӣ бо як хол дар зинаи охир қарор гирифт.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |