Боҷи нав ва эҳтимоли қимат шудани ҳаққи хизмати адвокатҳо
Мақомоти Тоҷикистон барои ташкилотҳои адвокатӣ боҷи давлатиро роҳандозӣ карданд.
Тибқи тағйирот ба қонун «Дар бораи боҷи давлатӣ», ки 6 апрел аз ҷониби Маҷлиси намояндагон қабул шуд, минбаъд дар Тоҷикистон барои бақайдгирӣ, азнавбақайдгирӣ, барҳамдиҳии ташкилотҳои адвокатӣ, гирифтани иқтибос аз феҳристи ягонаи адвокатӣ ва аз феҳристи ягонаи ташкилотҳои адвокатӣ маблағи боҷи давлатӣ рӯёнида мешавад.
Рустам Шоҳмурод, вазири адлияи Тоҷикистон зимни шарҳи тағйирот гуфт, тартиби пешбурди феҳристи ягонаи адвокатҳо, ташкилотҳои адвокатии Ҷумҳурии Тоҷикистонро ҳукумат муқаррар мекунад.
Бархе аз коршиносон мегӯянд, дар пайи тағйирот хароҷоти адвокатҳо бештар мегардад ва он мутаносибан ба ҳаққи хизмати онҳо таъсир хоҳад дошт.
Эҳтимоли болоравии ҳаққи хизмати адвокатҳо дар ҳолест, ки феълан дар кишвар ҳамагӣ 356 нафар аз имтиҳони вазорати адлия гузашта, ҳаққи адвокатӣ доранд. Бахтовар Сафаров, вакили парлумони Тоҷикистон изҳор дошт, ки то ҳол 445 адвокат имтиҳон супориданд, ки аз ин 89 нафарашон нагузаштаанд. Сафаров теъдоди умумии адвокатҳоро дар Тоҷикистон 900 нафар гуфт.
Барои ҷилавгирӣ аз камбуди теъдоди адвокатҳо Маҷлиси намояндагон 7 апрел ба қонун «Дар бораи адвокатура ва фаъолияти адвокатӣ» тағйирот ворид намуда, муҳлати супоридани имтиҳонҳои тахассусии адвокатҳои кишварро боз ба муддати се моҳ тамдид кард. Бахтовар Сафаров зимни муаррифии лоиҳа гуфт, муҳлати супоридани имтиҳонҳои тахассусӣ барои адвокатҳо 27 марти соли 2016 ба анҷом расида буд: “Бо назардошти он, ки дар муҳлати муқарраршуда на ҳамаи адвокатҳо бо имтиҳони тахассусӣ фаро гирифта шудаанд, дар лоиҳа дароз намудани муҳлати фаъолияти адвокатҳо ба се моҳ пешбинӣ гардидааст. Ин меъёр имконият медиҳад, ки шахсони номбурда мақоми адвокатиро мувофиқи Қонуни Ҷумҳурии Тоҷикистон «Дар бораи адвокатура ва фаъолияти адвокатӣ» соҳиб шаванд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |