28 янв 2016 09:20Тоҷикистон / Иҷтимоӣ

Тоҷикистон 94 адвокати санҷидашуда дорад

Вазорати адлияи Тоҷикистон мегӯяд, то ҳол 94 вакили дифоъ аз санҷиши комиссияи махсуси ин ниҳод гузашта, расман мақоми адвокатиро гирифтаанд.

Дар ин бора имрӯз, 28 яянвар Рустам Шоҳмурод, вазири адлияи Тоҷикистон, зимни нишасти матбуотӣ дар Душанбе хабар дод. Қаблан вазири адлия иттилоъ дода буд, ки қариб сеяки адвокатҳо аз санҷиш нагузаштанд.

Аммо Саидбек Нуриддинов, раиси Иттифоқи адвокатҳо, ки аз санҷиши Комиссияи тахассусии Вазорати адлия нагузашт, иброз дошта буд, ки гуруҳи манфиатдоре бо ин роҳ ӯро аз мақоми раиси Иттифоқи адвокатҳо канор гузоштаниянд. Дар пайи баргузории санҷиши адвокатҳо сару садое низ паҳн шуд, ки гуиё вақти имтиҳон ба адвокатҳо суолҳои берун аз фаъолияти онҳо ба мисли Рӯдакӣ кай ба дунё омадааст ва ё аввалин бор кай ба Тоҷикистон қатор омадааст, дода мешавад.

Аммо вазири адлия ин иддаоро рад намуда, гуфт, овозаҳо асос надоранд ва тартиби қабули имтиҳон дуруст роҳандозӣ шудааст: “Марҳамат ман даъват мекунам дар имтиҳонҳо ширкат намуда, худатон бинед, тартиби қабули имтиҳон дуруст аст”.

Маҷлиси намояндагони Тоҷикистон, рӯзи 4 ноябри соли 2015 тағйиру иловаҳоро ба қонун дар бораи адвокатҳо қабул кард, ки тибқи он вакилони дифоъ пеш аз оғози фаъолият аз санҷиши Комиссияи махсуси Вазорати адлия мегузаранд. Тибқи ин тағйирот “адвокатҳо дар 5 сол 1 бор аз аттестатсия гузаронда мешаванд ва тартиби аттестатсияро худи адвокатҳо муайян мекунанд”. Вазири адлия ҳадафи ин навгониро беҳтар кардани хизматрасонии адвокатҳо гуфта, илова намуд, афроде, ки забони давлатиро намедонанд, доғи судӣ доранд ва аз шаҳрвандии Тоҷикистон баромадаанд, наметавонанд ба ҳайси адвокат кор кунанд: “Инчунин онҳое, ки дар мақомоти ҳифзи ҳуқуқ, суду прокуратура кор кардаанду савганди касбиро вайрон кардаанд, наметавонанд ба ҳайси адвокат фаъолият кунанд”.

Мӯҳр

Хабарҳои монанд:

Арифметика

Точикистони имруз ва баьди ислохи КОНСТИТУТСИЯ ба ягон адвокат ниёз надорад , ба чуз аз ХУДО ва ИНСОФИ ПЕШВОИ МИЛЛАТ !!!!!?????

Ҷавоб диҳед Иқтибос Шикоят

Адвокат

Тибки маълумотхои охирин 101 адвокат аз санчиш гузашт. Ба Нуриддинов бе санчиш бояд тибки талаботи конун, аллакай мохи майи соли 2015 макоми адвокат дода мешуд, аммо вазорати адлия барои барканор кардани конкурентхо ба вазифаи Раиси Иттифоки адвокатхои Точикистон Ин тагйиротхоро ба конуни амалкунанда тайёр карда онро дар парламент гузаронид. Чунки тачридаи конунэчодкунии 15 сода дорад. Оиди саволхои берун аз касби адвокати дар сомонаи вазорати адлия онхо нашр карда шудаанд ва хохишмандон метавонад бо онхо шинос шаванд. Дар катори саволхо саволи "Кай аввалин катора ба Точикистон омадааст?" мавчуд аст. Чаноби вазир ва муовинаш ба чашми мардум хок пошида истодаанд.

Ҷавоб диҳед Иқтибос Шикоят

Эзоҳ илова кунед